八月十七至廿一

唔覺唔覺咁又一個星期, o的時間都唔知係過得快定慢... 好多野做, 好想休息, 好想抖, 好想去街, 又要溫書... 我o的time management 真係比較差...
星期二, 今日一朝早就返學, 亦都同之前一樣, 等o左四個字先有Van仔, 又遲到了~~ 但係嚮遲到o既過程中, 我見到部汽水機下面個度打開o左喎, 又有兩盒野飲嚮度喎, 好似向我招緊手叫我"黎啦黎啦, 黎拎我啦~~" 咁喎, 咁既然佢咁有誠意, 我唯有拎佢地出黎啦~~ 最後請o左同學飲~~ 話咁快就上完一堂啦, 咁嚮呢個轉堂o既時候裡面, 我同o的同學就去多次部汽水機度, 見到佢個制申o左出黎喎, 我仲見到個叫testing o既制喎, 咁嚮呢個時候, 同明顯係佢都想我試下佢啦, 點知唔禁又事可, 一禁就大檸樂, 部機佢嘔喎, 嘔o左每一種野飲都跌一罐/包出黎喎, 咁我地唯有拎佢出黎, 請人飲~~ 夾夾埋埋都有十幾廿罐/包~~ 而家o的汽水機咁有趣o既, 好似人咁架喎~~ 夜晚, 上臨尾o個個tutorial, 原來係呀邊個邊個教, 佢用中文教, 真有趣, 佢話自己英文唔好所以就用中文黎教, 咁o既理由都有架喎~~
星期三, 今日返學做Helper, 一返到去, 就見到尋日部汽水機俾人入緊汽水啦, 咁即係俾人醫好o左lu~~ 做Helper, 連做六粒鐘, 加上又唔係好夠訓, 個人遲早死的呢... 之後又做多個半鐘o既PRS, 知道o左好多不為人知o既秘密~~ 今日好攰好眼訓, 夜晚十點就訓o左, 攰死了...
星期四, 今日同星期二一樣, 都係勁多人等車, 但係比起之前兩日已經叫做少o左少少, 相信黎緊o的人學識走堂o既時候就會好好多, 希望可以遲翻一兩個字出門口就好啦~~ 上堂o既時候, 隔離堂個lecturer佢黎sit堂, 之前聽o的人講佢嚮上堂o既時候佢又嘔心地捽腳指, 又伸隻手入條褲入面摷野, 總之就好嘔心啦, 但係上一堂基於坐位視線o既問題, 我乜都睇唔到, 剩係見到佢捽腳指, 都已經夠嘔心了...... 但係今次我坐o個個位, 係一個晶晶話o既皇帝位, 飽攬哂佢所做o既一切, 上完堂之後真係諗翻都作嘔...... 佢捽腳指不特止, 仲要捽完用隻未洗o既手黎捽面...... 仲要捽o左十幾廿野, 歷時大約卅秒, 真難頂, 至於佢放隻手入去摷野, 最衰我唔夠快手, 拍片剩係得最後佢完事o既一點八秒, 唔係就真係放上youtube, 但係呢兩秒都已經好嘔心...... 點解會有個咁o既lecturer架......
星期五, 今日一早就去o左科學園度開工, 車費真係好貴, 食飯又貴, 乜鬼野都貴... 但係今日o既進度唔錯~~ 無咁眼訓, 但係都唔係好精神...... 睇黎programmer都唔易做...... 係時候要再諗下做其他post......
星期六, 今日要返工, 但係今日終於都可以訓晏o的啦... 充足o既睡眠果然係好好多~~ 但係今日就鬼死咁多人, 都唔知o的人嚮邊度黎o既, 多人到呢...... 夜晚睇家好月圓, 睇到火都黎埋, 從之前發覺呢套野係唔好睇, 連追都無追, 到而家結局先黎好睇, 真係俾佢吹漲... 原來講大話講到似層層o既話就會有人信架喎~~ 睇完之後連做功課o既心機都無埋..... 呢個女人真係害人不淺呀~~ XDDDDDD