八月初一至初三

星期日, 今日返工o既時候, 估唔到我同佢o既事咁快就差唔多全館都知... 但係佢又無乜野喎, 佢無唔開心就好了~~ 放工o既時候, 由於夜晚係同成班暑期工farewell o既關係, 咁就一大班人咁搭車出去, 沿途我都同佢一齊, 落車o既時候仲當住咁多人面前拖住佢添, 之後就仲有機會同佢行o左一陣街~~ 之後成個party都係咁開心~~ 間i Cup cafe個老闆佢都幾好人, 唔理我地玩到咁癲~~ 之後就送埋人地返屋企, 咁就係我放呢個最後一個暑假o既最後一日~~ 至於呢個佢係邊個? 唔話你知, 呵呵~~
星期一, 今日本來係day off架, 但係約o左一班Barn Helper飲呢個開Sem 茶, 同埋之後都要返兩個鐘咁多o既Barn, 咁就返黎囉~~ 飲茶呢樣野, 我發覺呢排好似飲得多o左少少, 最後都好似食唔飽同埋成條脷都係味精咁囉...... 原本佢地諗住係會有人請, 但係最後呢...... 都係要俾錢, 其實我都預o左, 飲餐茶咁o者, 都ok o既~~ 但係我發覺我呢個暑假都玩o左唔少同埋駛o左唔少錢, 咁呢...... 睇黎我都係要慳o的駛~~ 如是者, 咁就係我o既九月一日, 不過唔係開學日~~
星期二, 今日就真係返學日啦, 返晨咁早o既九點, 都預o左九月o既九點係勁多人等車, 所以我就早o左少少, 用足一個鐘頭o既時間黎返學, 因為等van仔o個度排隊排到出馬路喎, 真危險...... 最後都可以叫做準時返到去...... 至於今日呢幾堂呢...... 四堂, 瞓o左兩堂...... 好在係introduction o者, 唔係o既話都唔知點算...... 睇黎遲o的都係要早少少訓~~
夜晚, 因為屋企樓下申請做呢個商營浴室, 按摩院, 咁就勁多人出席呢個例會, 但係呢, 班委員就好似唔想做野咁, 既然係咁, 咁我地就當然要同佢玩埋一份啦, 睇你做唔做野, 哼~ 不過唔開會唔知, 原來屋企法團個主席係個呀伯...... 見就見得多, 但係點解會係佢做主席架呢...... 無言......