八月初八至十一

星期日, 今日要返工, 本來屋企人話今朝飲早茶, 但係... 都係俾我訓覺好了~~ 黎緊都無得訓架啦~~ 返工, 早少少出門口, 去投個票先, 返到去, 今日勁多人, 做到咩咁...... 真係咩咩聲...... 放工, 走都走唔切, 因為要去睇呢個殘奧馬術比賽, 拿拿臨去吉野家度食個飯先, 但係唔夠飽喎, 最後都係去o左麥記度買多個飽食... 搭107, 早知去搭170啦, 兜路上黃竹坑村, 過o左香港仔隧道之後又落一落橋去鵝頸橋度停一停喎... 好在星期日呢個時間唔塞車o者, 唔係就真係大獲... 去到紅磡就轉火車(乜鬼野港鐵東鐵線丫, 都係火車好聽o的~~ 叫慣叫熟丫嘛~~) 如事者, 準時去到大學站, 仲早o左添~~ 等埋o的朋友就一齊出發, 搭完免費穿梭巴士之後就好似大鄉里出省咁喎, 我見到部好過癮o既ATM, 仲影o左相添, 有機會post上黎先~~ 今日見有唔少人都係o的家長帶埋小朋友去, 新聞仲話殘奧o的飛賣哂, 我心諗派哂咋掛~~ 之後見到林煥光喎,仲同佢影o左張相添~~之後行到去比賽場地, 見到個好大o既奧運火炬呀~~仲有陣煤氣味添呀~~ 之後就去睇馬啦~~ 但係我o的朋友掛住影相, 攪到遲o左, 要等第一隻馬比賽完o左之後先可以入去... 同埋呢, 有o的馬係會驚人拍手掌架喎 @.@" 又有o的馬係要另一隻馬嚮場外面度倍佢架喎... 咁有趣o既?! 原本睇個schedule呢, 最後一隻馬係十一點九... 但係呢, 佢轉場o既時候轉耐o左, 攪到呢, 要delay十五分鐘... 所以呢, 我最後o個場睇o左三隻馬就走o左, 太夜了, 路經手信店, 買o左o的o的手信俾人~~ 返到屋企都十二點, 聽日仲要返早... shit...
星期一, 今日去o左科學園度做free lance, 體驗o左一日做programmer o既生活, 發覺係好攰好攰, 可能係尋晚唔夠訓啦, 但真係好攰攰...
星期二, 今朝又要一早返學... 今日上堂o既時候都係好攰好攰, 都係要訓o左陣... 但係整體上我無訓到咁多o既~~ 有進步, 有進步~~ 學校有mega sell呀, 竟然即場有samsung notebook賣喎, 現貨, 點都好過HP... 見到個19" wide Mon, 個價錢一望落去係$790, 但係睇真o的, 原來係$1790, 點解佢個一字寫得咁貼個$$符號架, 仲諗住即刻拎個銀包出黎俾錢, 差o的俾佢陰o左...
星期三, 今日返去係開工, Barn成日... 之後等食Tea, 食完之後就繼續Barn... 點知呢, 掛住做free lance, 坐o左嚮個barn helper位度成三粒鐘都唔知... 最後個tut, 上o左廿五分鐘only...