八月初四至初七

星期三, 今朝終於都可以返晏o的o的啦, 咪晏得o個一個鐘, 有分別咩...... 都係要咁早起身... 返Barn, 基本上今日成日都係返Barn, 返到兩點, 餓死了...... 之後就食個飯先~~ 飯... 完之後當然要繼續開工啦, 但係好多時飯氣都係會攻心的, 咁所以我就嚮呢個開工o既期間呢, 實行呢個閉目養神o既方法黎防止自己瞓著, 但係呢, 好日Barn個電話都唔會響, 但係今日竟然黎響?! 我頂... 成個人彈起o左...... 老闆打黎叫我試野... 真吹漲... 試完之後就諗住打俾人傾下電話啦, 點知嚮呢個傾電話o既途中, 個電話又響喎, 老闆都唔知係唔係專登架囉... 定係佢唔知嚮邊度睇到我蛇王緊囉...... 放工之後約o左班組仔去大會堂度聽concert, 有免費飛喎, 當然要去下啦~~ 我就聽到好正, 好好聽, 最尾柴可夫斯基o個隻就最正~~ 但係我班組仔就聽到差唔多瞓著咁滯......
星期四, 今日同星期二一樣都係咁早就返學, 等車都係等到咩咁, 今日我醒o左o的o的, 早o左o的o的, 但係呢... 今日o既車係比星期二少o左, 好彩最後都係準時返到去...... 之後就上堂, 上堂同上堂, 今日我好o左o的o的啦, 上堂無瞓(咁多)啦~~ 但係都瞓o左一堂...... 開始有進步都係一件好事黎o既~~ 放o左學之後就去o左探婆婆, 跟住就去o左同IVE班同學食飯~~ 果然, 個扭扭批真係極度唔好食的...... 如事者, 咁就一日~~
星期五, 晨早返prs, 無錯, 係晨咁早... o的野基本上都上都手, 同呀叔佢地吹吹下水就又一朝早~~ 之後就無聊了~~ 直至收到Manpower o既電話, 叫我還翻件衫俾佢喎~~ 下?! 我都無resign到, 還衫?! 咁其實我都返唔到架啦, 唔緊要啦, 順手當係resign埋佢囉, 從此就同做o左四年o既SB講ByeBye了~~ 臨還件衫同個牌之前, 我同佢地影o左張相, 遲o的post翻佢地出黎啦~~
星期六, 返工, 一返到去, o的人就係咁恭喜我 =,=" 嘩多謝囉....... 估唔到佢地呢個禮拜o既話題都係環繞住我... 真有趣...