八月十二至十六

星期四, 今日又係返晨咁早, 好早咁就出門口, 但係呢, 都唔知點解, 越早就越多人囉, 等車等o左差唔多半個鐘先上到車, 唉... 又遲o左o的, 好在o個堂一開始都係講翻之前o個o的野o者, 唔係就死得... 上堂o既時候, 我終於都做o左我想做o既野好耐啦, 就係用藍芽黎send呀Joe張相俾人, 之前兩次都唔成功, 無人收到, 今日終於都有人肯收啦, 一個叫恩o既人, 唔知係邊個黎架喎, 我地估係坐前兩行o既一個女仔, 佢睇完張相之後就無反應該咁放翻低部電話~~ 嗱, 呀Joe, 我幫你識女仔呀, 你應該多謝我啦~~ 之後上完堂就食Lunch, 之後又上堂, 就係咁~~ 上完堂都已經七點lu~~
星期五, 今日係晨咁早返學開工, 成朝都好正, 無乜人, 但係因為尋晚訓得唔好, 攪到今日勁眼訓, 去到差唔多放工個人先精神翻o的... 我都唔明點解自己會咁喎, 莫非真係放工先會精神?? 食個Lunch之後就繼續第二個Job, 吸塵... 無錯, 又係吸塵... 吸呀吸, 肺積塵啦... 放o左學就去o左買野準備聽晚o既迎月夜~~
星期六, 今日返工, DeepV呀, Kobe呀, 佢地寫o左張紙, 總共有五十條野~~ 係關於呀成o既,
好好笑~~ 哈~~ 仲有, 公司多o左個特別o既keyboard~~ 歡迎大家禁入去睇下個keyboard有幾特別~~
夜晚, 去o左赤柱, 玩蠟, 好開心甜蜜o既一個迎月晚上~~
星期日, 今日係中秋, 中秋節快樂~~ 但係都要返工... 夜晚, 同呀婆佢一齊做節, 剩係食得粥o既佢, 好快手咁用手拎o左舊雞放入口... 又拎o左粒腰果入口, 好在最後佢都無吞到, 唔係真係驚佢梗親, 真係俾佢吹漲~~
星期一, 今日係公眾假期, 但係要返工, 但係熱到呢... 真難頂... 返到公司個冷氣都係好熱, 好似壞o左咁, 仲熱過出面架喎, 真難頂... 而又話說今日有人漏低o左隻floppy喎, 咁o個個人話佢會聽日會返黎拎, 所以呢, 我地就要話俾聽日返工o既o個位同事知呢件事, 所以DeepV同我就一齊寫低o左o的memo俾聽日返o既同事知喇~~ 詳情如下~~ p.s. 禁入去放大黎睇會清楚o的~~