一又七份一週記

又黎個多過一個禮拜o既週記~~
星期五, 今日頂人返CT, 十二至五, 同呀輝佢一齊, 但係就勁多野做囉, 頂佢, 一返到去, 俾呀峰佢條仆街fake囉, 佢話唔識整Cert咁囉, 攪到我一返到黎就整, 攪o左成個鐘, 本來諗住係行行企企咁架咋嘛, 頂佢丫, 之後就緊係做自己野啦, 打翻上次個日記, 但係最後o個個鐘就俾人又叫整箭咀, 頂...... 攪到今日成日都係咁忙, 頂...... 放工, 仲唔去打機咩~~ 但係已經唔記得打成點...... 夜晚做過o的乜都已經唔記得......
星期六, 今日都係要返工, 但係朝頭早起身個頭就有o的wing wing地, 返到去, 發揮我o既長處, 叫家姐佢去做~~ 今日有個活動, 老細著到好似好靚咁...... 而我就係都係繼續wing wing 地, 臨尾, 有其他人黎, 即刻整多十幾張Cert, 嚮有o的wing wing地o既情況之下, 終於都有得俾我抖下~~ 終於都放工啦, 今日就累到連機都無打到, 等車返屋企就算~~ 返到去, 訓, 訓到成十點幾, 連飯都無食, 睇黎聽日都返唔到工架啦, 打電話請假, 幫埋佢搵人, 費事係請病假, 又要fax假紙咁煩~~ 成十二點幾先去睇醫生, 睇到成點幾先返屋企, 又坐兩次的士, 夜晚o的的士司機真係勁, 十字路口U turn, 巴士站落客咁, 勁~~ 而我睇醫生就...... 睇o左六舊幾水, 又俾人打o左支針, 唉...... 我真係講o左句『醫生, 唔打針得唔得呀』, 而佢就真係回o左句, 『打支針快o的好囉』咁, 經典對白, 但係佢其實中間多o左句, 『唔打就唔打囉』~~
星期日, 成日都係嚮屋企度, 病丫嘛, 訓到下晝, 起身, 做FYP, 要趕工, 公司o的人仲話去燒膠, 我病到咁o既樣, 仲點去燒丫, 唉...... 夜晚都係做FYP
星期一, 終於都有一日係off 架啦, 訓到成十一點先起身, 下晝剪o左個頭, 又做下fyp, 打下機咁, 終於有日係可以清閒下架啦~~
星期二, 返去上癲佬, 都依然係無心機聽書, 今日唔駛上kt sir 堂, 本來係晨咁早就走得, 但係要留低同呀billy佢地夾星期六個比賽, 發覺溫翻o的野先知有唔少野都唔記得o左~~ 吹漲~~ 攪到成六點先走...... 呀姐同呀輝佢兩個就話走就走咁走o左.....
星期三, 好normal咁上堂, 食飯, 上堂, 之後就又黎操cisco, 都係成六點先走, 放學, 去o左打機, 今日都唔知做乜鬼, 玩十人斬, 新環左, 由level 10玩起, 次次都S到喎, 勁開心喎, 差lv 1-3就又過多條, 爽死~~
星期四, 今日晨早就返去做fyp, 試下個SMS用唔用得, 但係就攪o左好耐都係做唔到囉, 我頂佢, 唉...... 上完兩個tutorial之後, billy佢地唔得閒操, 我就繼續試個SMS, 做到六點幾, 終於都知道衰乜, 亦終於都做到, 呼~~ 夜晚, 都係溫cisco~~
星期五, 返下晝一堂咁大把, 上晝諗住去打機, 但係就遲o左落去, 跟唔到機, 呀墨生佢就由屯門落黎灣仔拎野, 真係好氣...... 去葵芳度食, 唔知點解病完之後好似仲未fully recover咁, 見肚餓, 但係就一o的都唔食得多野, 唉...... 上癲佬堂, 今日勁多人上囉, 係全部隔離班人o既人都同我地一齊上, 攪到個204e勁迫, 仲有人無位坐, 吹漲...... 之後就操cisco, 最後一操, 但係呀鬼哥佢就...... 一開始就問我, 應該打咩先呀, @.@" 下, 嘩你唔好嚇我呀...... 好大獲架, 最後佢都pick up翻...... 都依然係六點幾先走...... 放學, 緊係去打機啦, 玩埋個Lv1-3丫嘛, 好簡單咁就過哂, 之後就緊係玩廿八人斬啦, 好順利咁過到, 不過都只係得B, 唔緊要, 玩下咋嘛~~ 但係一開始o既時候我竟然踩多o左一下, 攪到係要玩一局story 囉, 頂......
夜晚, 無心機溫書, 諗住聽日個比賽, 都係溫下switch個o的command好o的, 唔係聽日billy佢有咩事都有個人backup~