又黎一個兩日記~

又黎一個兩日記~
星期五, 今日要晨咁早返學, 唉...... 返去先食早餐, 點知係什麼菜乾鴨腎瘦肉粥...... 攪到有o的唔係好想食, 見到班長同呀恆佢兩個食緊, 問翻佢地, 班長話o的粥ok 喎(但係佢自己係食緊西式架囉), 咁咪試下囉, 但係食落都真係ok架bor~~ 食到成九點先去上堂~~ 都係hai下hai下咁做Lab, 都唔係太難, 不過上次o個個o的問題都係唔係好識答咁囉...... 班長又玩野, 點名o個時話呀偉佢遲到囉, 乜佢咁架...... 佢自己咪又一樣係遲到...... 之後就上kt個Lab, 但係嚮KT黎之前, 班長佢就同呀Raymond佢係咁針, 之後呀偉佢講o左句：『班長, 有乜同我講囉, 唔好煩呀Raymond呀』咁, 班長佢就火都黎埋, 仲掟筆, 發哂火咁唔知講o左句乜黎鬧呀偉(句野我真係唔記得o左......), 攪到我地成班人都靜哂...... 好似未見過班長佢咁大火......
個Lab今次就真係有o的難, 一來唔係好熟Linux, 二來就係跟本唔知個Lab講乜...... o岩o岩好做哂, 但係就又係未答問題...... Lunch, 之前食o左早餐, 唔係好肚餓, 就咁去車仔飯度食o左碗碗仔翅就算~~ 之後就上呀癲佬個tutorial, 點知佢一黎就話交功課, 下, 乜唔係五月先交架咩, 車, 原來佢係講答案, 唔想我地抄, 我車......
上完堂, 去幫呀Ken佢手做Lab, 幫o的Yr1手, 當係partice遲o的個Cisco~~ 點知我地就俾一隻Switch玩死o左, 三個人都攪唔掂, 唉...... 點知呀Ken佢講o左一句, 係咪隻switch俾人?o左vlan呢, 一睇, 原來真係囉...... Gumdam講得無錯, 薑果然係越老越辣~~ 之後就去o左同raymond呀偉佢食飯, 食o左個盅頭飯, 佢係已經整o左好耐o既, 蒸到o的肉都霉o既......
之後就去等, 等去睇星星~~ 但係嚮個廣場度睇到個叫呀john二號o既人, 佢又一齊去架, 下, 唔係下化...... 搭車車去, 一陣就到, 去到, 聽o個個人吹水, 講一o的星座o既故仔, 呀偉話有o的似上年聽o個個, 都係老吹出黎, 之後就過癮啦~ 去o左一個圓形o既吹氣帳幕度, 睇星~~ 無錯, 係嚮一個帳幕度睇星星~~ 有個projector嚮裡面, 勁正, 仲有得飛埋去添架~~ 又可以嚮地球上唔同o既角度度睇星, 爽, 見到佢將個時間係咁快轉, 去到十月, 諗翻起o個時自己都唔知會係讀緊書定係做緊野o既時候, 有o的感慨~~ 嚮帳幕度睇完星星, 就上去睇o個個全香港最大既電動天文望遠鏡, 直徑有50cm, 用黎睇到o個粒土星, 仲有上面個光環, 爽呀~~ 但係好多人都話粒星好假咁喎, 話時話, 又真係幾假~~ 之後就做下問卷, 仲有就係拎翻o的按金同紀念品, 俾我拎多o左個日晷, 嘿嘿~~ 走, 搭車o個時, 個SAO姐姐話遲o的有得去海洋公園添喎, 但係要成$70個人, 同剩係玩佢o個兩個幕後之旅, 之後睇翻, 原來都唔係好抵玩架咋喎~~
返到去, 諗住打翻舖機先啦, 有三個人挑緊機, 唔係勁, 點知剩翻o個部機就壞, 攪到無得挑, 唔通連個天都唔俾我挑機......
星期六, 今日又要返工, 但係朝頭早俾人崔填佢部新機o既保養囉, 快快手用o左半個鐘頭時間, 拆翻佢部機黎睇個SN, 又上網登記同填表, 唉, o的人真係麻Ｑ煩...... 返工, 唔知點解今日勁多人, 個膀頭又唔知點解勁痛, 做到好辛苦囉, 唉...... 但係我就係咁同o的同事玩下玩下咁過, 唔經唔覺就到五點, 有陣時覺得開心同唔開心咁都係過一日, 開心黎過就會過得快o的架~~ 放工, 臨走都俾人搶o左個袋囉, 無奈......
放工, 去打機, 打o左兩局咋......
夜晚, 本來想溫書, 但係呢就勁眼訓, 無心機溫, 咁o岩隻IceAge2Game又B完落黎仲唔即刻試下開黎玩咩~~ 所以最後就係無溫到書架, 死啦, 好似溫都未溫過, 星期二晚又要開會, 得翻咁少時間, 點溫得切呀......