三日記

都係三日記~~
星期四, 今日上晝要返工, 返去頂更, 返到去, 今日個上晝都算唔多人, 等我可以幫班長同呀恆佢地print notes, 今次我print翻兩份好o架啦, 有一份緊係自己要架啦, 睇下班長佢到時係唔係時運高, 揀翻份好架啦~~ 但係今日老細有返喎, 佢仲講o左句話我長頭髮靚仔o的喎...... =.=" 唉......
放一點, 但係返學係返兩點半喎, 去買o左個板烤雞腿飽餐, 去到車站, 37A 同 72個站都係無人喎, 但係70就有成條龍嚮度, 仲唔係揀70號咩~~ 上車, 食晏~~ 但係就唔知點解打唔到俾呀輝佢喎, 直至我去到香港站, 佢先打翻俾我, 佢話佢個電又傻o左喎, 下?! 新買架bor, 咁快就咩...... 好準時咁返到去, 但係間房竟然係無人架bor(班長係唔係可以唔算係人架~~) 班長佢又問我print notes喎, 咁咪俾佢揀囉, 點知佢真係時運低, 揀著份畸形架bor~~ Kukuku~~ 佢就緊係唔制架啦, 所以最後我就收翻, 等呀恆佢揀睇下點囉~~ (不過到而家我都未得閒俾佢地兩個再揀過~~) 呀姐佢買o左NDS Lite啦, 勁細部, 個面係"令"面, 唔係舊NDS o既啞色, 仲有就係支筆長o的, 粗o的, 好楂o的~~ 但係就勁易會有手指紋囉~~ mini-SD版o既super card就勁fit部舊NDS, 但係同NDS Lite就好似SD Super card同舊NDS 咁有一舊野突o左出黎~~ o的畫面就shape o的同有得較光暗~~
夜晚, 想溫書, 但係最後都係掛住打機......
星期五, 本來今日係返下晝, 但係晨咁早就俾人叫醒o左, 有人sick leave, 叫我返工, 下, 我訓到未訓醒喎, 佢仲叫我飛的添~~ 咦, 有得飛的喎, 當係幫下人, 幫佢返啦, 最後我係用o左半個鐘o既時間就起身飛的返到去~~ 好耐都未搭過的士啦, 仲有人俾錢我搭喎, 咁就緊係搭啦~~ 最後就係搭o左五十幾蚊的士, 準時十點半返到去~~ 返到去, 老細嚮度, 仲拉o左我入去講o的盲人o既野, 老細佢呢, 成日都以為o的盲人好似係弱智人仕咁, 叫佢地黎參觀下都好喎, 我真係俾佢吹漲...... 最後就係決定o左叫電腦組o既人黎幫每部機都裝點寫易, 又叫我地有多o的耐性喎~~ 最後, 終於知道幾點收工啦, 放點半, 你估下我一個鐘可唔可以準時返到去丫?, 最後原來係唔得o既, 因為走o左架70, 最後係要搭72, 銅鑼灣度落, 返到去, 遲o左三個字~~ 癲佬個tutorial, 唔緊要, 因為係可以再上多堂, 聽多次~~ 但係聽多次之後都只係四點, 半個鐘講哂, 乜咁快o既...... 出面ken Sir都未開波...... 最後成六點先返屋企~~
夜晚, 都係掛住打機, 無心機溫書, 同呀偉佢針過, 原來癲佬佢上年個test係同份考試卷係一樣, 咁即係今次份test一定唔會同上年o個份一樣啦, 唉......
星期六, 返工, 今日唔知點解個頭wing wing地, 尋晚唔夠訓掛...... 今日老細又唔知係唔係M到(佢仲有 M 架咩?!), 但係, 總之就慘啦, 唉...... 放工, 偷運o左o的碟返屋企, 聽日返早, 無事o既~~ 落到巴士站, 有車, 追車, 無氣...... 之後去打機, 打o左成十蚊, 有一次廿八人斬o既時候撞到九彩, 玩得8個人就死o左, 唉...... 之後就衰貪心, 臨尾cut唔到佢線, 撞o左埋牆, 咁就死o左......
夜晚, 溫書啦要, 唉...... 聽翻o的錄音, 果然係吹水o既多, 唉...... 唔係好明, 都唔知點死好......