四日記

又黎多個四日記~~
星期日, 返工, 返到去, 個屎人同事都仲係唔得帶翻隻碟俾我, 小佢...... 上晝, 本來諗住溫MC, 但係無帶不特止, ictlab又死o左, 最後就焗住上網同打上一次o個一篇日記...... 十二點幾o既時候, 見到有張紙話個何小姐要用點寫易, 咁咪入去裝囉, 點知裝野o既時候有條仆街問我覺唔覺嘈, 我咪話係出面囉, 佢就好仆街咁話我隻耳有問題, 我仆你個街丫, 咁想?, 返屋企, 唔好嚮度用丫, 頂你, o的細路又係, 成日嚮度打機, 頂佢. 臨去到食飯o既時候先走黎有人print野, 頂佢, 又勁多人喎, 攪到遲o左去叮飯~ 食食下飯, 同o的同事吹吹下水, 有"件"同事入黎(佢o既身份係用一件件黎形容), 本來我就係一樣好多口咁玩埋佢一份, 點知...... 講錯野, 佢講o左句"我好想有人可以'前'繞住我呀", 仆街啦, 講錯野, 好無奈咁叫佢地幫我諗辦法, 佢地又好安慰我咁潤我, 叫我不如趣趣地梗o左佢丫, 我頂呀...... 之後就好無奈咁繼續開工, 唉...... 放工, 去o左打機, 見到有部機有隻N class嚮度無人玩喎, 仲挑緊機添, 唔係下, 咁都有o既?! 但係我係諗住挑機架喎, 算, 照玩, 之後就再挑, 贏o左兩個c class, 本來有個人得600HP, 但係另一個人好快咁就較o左去用700HP, 佢一睇有條友得600就O o左嘴, 你都知做錯事呢, 我唯一可以做o既就係用低佢20HP囉, 唔係點呀~ 之後就有個A2 o既人1on1, 有機會贏架, 不過最後都係輸o左......
夜晚出o左去食飯, 上海野, 今次好抵喎, 六個人都只係食o左百五蚊, 之後就同表弟佢去o左買架Tomy o既遙控車, 返屋企砌, 我只著重個砌o既過程, 砌完咪俾佢玩囉~~ 成晚都無心機溫書, 死得......
星期一, 今日有工都唔返, 要溫書呀~~ 但係就成十二點先起身...... 之後又無心機溫書, 幫部舊機裝翻個Windows98, 攪o左成個下晝, 好似溫過又好似無溫過書咁...... 原來o的Windows 98機係要upgrade做IE6先可以update到喎, 乜咁架......
夜晚, 成晚都係想溫書, 但係最後都係掛住打機, Evolution GT~~
星期二, 返學, 唔知點解晨早就醒o左, 仲勁想去打機喎, 咁就早o的出門口去打機, 又玩廿八人斬, 點知...... 兩次都係俾一架車頂住, 攪到去到廿七人o個時就死o左...... 唉...... 之後返學, 又係癲佬堂, 今次係俾佢叫做裕華國貨...... Simon Sir Tutorial, Lunch 之後仲要上Eddie Ng佢堂make up, 要再上多堂KT先走得, 今日四個呀Sir o既堂都上哂, 勁......
夜晚, 要去開會, 開o左一個鐘就走人, 聽日Test呀...... 返屋企溫書......
今日呀姐佢無返, 呀恆佢爆自己缸(流鼻血o者), 攪到成件衫都係, 但係就出奇地勁易洗得甩喎......
星期三, 唉...... 今朝心情勁灰囉, 個test勁多野都唔記得, 有成兩條係死梗, 唔好講話丁丫, 會唔會得翻五十分都係成問題...... Simon Sir佢又死都要人隔位坐, 攪到呀輝佢又勁無奈咁落去坐special seat, 頂...... 下晝, 上呀Eddie Ng堂無機打, 最後就係訓覺...... 之後就留o左嚮度整呢個PHP o既登記系統, 整到成六點先走, 唉...... 好在都整到~
夜晚, 勁想溫mobile, 下個禮拜就測架啦, 唔係就死得, 但係個心就勁想寫program, 最後就攪個FYP, 成功咁將佢link落去個MySQL度, 呵呵~~ 但係最後mobile就係無溫過書o既......