五日記~~

黎個五日記
星期日, 已經唔記得有乜特別, 只係嚮公司又俾人玩, 但係個Lunch就好豐富, 佢地好似打邊爐咁係咁碌下碌下咁, 而我就有份食~~ 夜晚就係溫書, 溫到瘟瘟地~~
星期一, 上晝同屋企人去o左飲茶, 之後就嚮屋企度溫書, 聽日就Test Mobile啦, 唉, 係咁聽錄音, 唉, 好多唔係好識, 唉...... 打俾呀姐, 叫佢拎翻本smartcard書俾我, 佢問我係唔係嚮公司, 我話唔係, 佢話點解咁嘈o既? 我話係癲佬把聲, 佢話我好衰喎?! 下, 咁都鬧我?!
星期二, 今日test Mobile, 唉...... 份卷有o的似上年o個份, 但係就...... 今次full mark係100囉, 有條數, 得兩個答案, 但係就total 16分囉...... 俾佢吹漲...... 之後三個鐘lunch, hai住咁過, 最後kt堂enterprise, 竟然唔眼訓喎, 同肥楊佢係咁吹翻o的舊時o既兒歌翻黎~~
夜晚, 緊係打機啦, 打到咁上下, 做下個project咁囉, 成兩點先訓, 但係就都係做唔到個新applet......
星期三, 今日落雨, 平時呀輝佢係無機會遲到o既, 但係佢今日就竟然會係遲成半個鐘喎, 所以話呢, 塞車呢樣野, 係一個遲到o既好藉口(我成日都想話搭地鐵塞車架~~)返到去, 上堂, 先係Simon Sir, 再黎就係呀Eddie Sir, 之後又係呀Eddie Sir 個Lab, 今日係最後一個Lab啦, 好野, 下次唔駛上~~ 夜晚, 做FYP, 整個php同MySQL~~ 整到十二點幾, 之後就係做呀Eddie Sir 個Tutorial, 勁長咁囉, 頂佢, 做到成兩點半先訓, 唉...... 仲要未做哂, 算, 唔做......
星期四, 晨咁早就要起身, 勁眼訓, 但係就要返去做呢個FYP, 最後三個禮拜, 點都要死掂佢, 但係返到去, 佢地o個兩條仆街最後唔係上網就係做功課, 頂丫...... 好似呀姐佢整o左report個頭喎...... 之後就去食飯飯, 食完就去o左問呀cm sir借多個HD, 點知佢原來度, 去完204問呀Rick, 佢叫我地去搵大興, 但係大興佢又叫我地去翻搵呀cm喎, 原來cm佢嚮度架, 頂丫, 攪到我地??轉...... 之後上完Eddie 堂Tutorial之後, 去o左204度裝機, 但係本身已經有個window嚮度, 係之前做GPRS o個個喎, 咁就唔駛整啦緊係~~ 而我就裝翻o的tools落去, 但係就又有問題囉, 攪o左好耐, 成六點先走, 唉...... 返到去, 同呀輝佢去太原街度睇下有無07軍曹模型, 有, 但係貴囉, 最後就去o左我屋企樓下o個間度買, $38, 有埋隻迷你鋼普拉架~~ 夜晚就都係掛住做個FYP, 成點幾先訓...... 地鐵o個度今日有o的乜野開心指數, 今日係1, 有張金句出黎, 得意~~