三日記

又黎個三日記啦~~
星期五, 唔記得發生過乜野, 唔寫~~
星期六, 無發生過任何野, 無野寫~~
星期日, 唔想寫發生過o既野, 唔寫~~
↑↑↑↑↑↑↑↑↑↑↑↑↑↑↑↑
咁寫法都幾頂癮~~
星期五, 去到葵芳, 88C勁多人, 去o左搭88D, 見到小波喎, book o左佢部PSP先, 返到去上eddie 堂, 借o左小波部PSP玩, 基本上都係無乜點聽過書, Lunch, 諗住出去食, 但係班長佢又話飽, 無去到食, 咁算囉, 我地自己去食...... 本來諗住去食車仔飯, 但係無位囉, 無奈, 去飯茶囉, 只係叫o左兩碟野食, 一人十五蚊咋~~ 之後上AP 個Lab, 本來係Hai下咁, 但係之後佢講Sorting, 唔得喎, 最後都係唔係好明, 要問多兩次先明~~ 放學, 呀輝佢陪o左呀姐佢去買冷, (之後睇翻佢個日記, 原來係買唔到), 而我, 呀恆同班長佢就去o左新機地, 睇佢兩個打, (唔夠人勁, 唔挑), 之後見到呀輝同呀姐佢兩個黎同我Say個Bye就走o左...... 而我就睇到佢地打完先走~~
夜晚, 溫NT2A呀, 唔係就死架啦~~
星期六, 今日唔駛返工, 都係一件好事, 溫NT2A呀, 唔係死架啦, 最後訓到十點半先起身, 溫o左陣書, 食o左個飯, 又溫o左陣書, 又打o左陣機, 又溫o左陣書, 咁就過o左個下晝.
夜晚, 屋企打邊爐呀, 想打好耐架啦, 但係點解係一個咁熱o既日子先黎打邊爐o既?! 最後食到飽飽~~ 唉, 之後又要溫書....... 去到十一點幾十二點, 勁眼訓, 唔得, 要訓啦, 今日就早o左o的訓, 聽日要返工, 遲o的先再溫......
星期日, 今日要返工, 個Lunch係尋晚食剩o既邊爐材料, 但係都不知幾好味~~ 搭車o個時, 個司機都唔知點解好似趕住去尿尿咁, 開到鬼咁快, 又係咁飛站, 結果搭半我就去到香港仔......
返到去, 有個好耐無見o既同事黎做喎, 而我都係無無聊聊咁過, 遲o的開翻另一邊都唔知點算, 一定會做到成隻狗咁......
放工, 驚遊行, 轉o左搭70號, 話咁快就到, 去o左打機, 項啦, 舖箱根都係一次過唔到, 要再打多局, 相相係要熱身掛, 之後o個o的都一次KO, 掂~~ 走o個時, 見到部ThrillDriver3俾人拆o左嚮ThrillDriver2隔離o既?? 唔通有新野?? 一睇, 嘩, 原來係部Mario Kart呀, 好頂癮呀, 有得放彈打人架, 而且仲有你個柒樣嚮左下角架, 頂癮耶~~ 但係要成五蚊局, 不過以新機黎講都係咁啦~~ 仲有得出卡架喎, 哈~~
夜晚, 都係溫書, 咁囉.......