星期四

今日好o的啦, 只係要返十點半, 雖然係九點半先要起身, 但係呢, 唉, 我都係唔知醒咁囉, 頂......
返到去, 哦, 得呀恆同班長, 好咁就o岩啦, 玩野, 坐兩個唔坐兩個, 坐兩行唔坐兩行咁, 掂~~ 最後就...... 佢地都無講到野喎, 上NT2A~~ 呀Sir今日把聲都唔係好掂, 真係慘~~
之後要做呢個問卷調查, 竟然係做我地最想做o既PQM, 嘩頂丫, 個個好似作文咁, 過癮呀~~ 之後呀偉佢仲同呀Ken講o左o的野添, 唔知佢會點呢??
放學, 同班長佢食車仔飯, 事關佢約o左人, 唔同呀恆呀輝佢地食咁囉~~ 食食下見到呀豪哥同佢o的frd, 原來佢有一個同學係識得車仔飯o個人架, 叫佢做細姨, 咁就可以食飯唔駛錢喎, 應該係有人請食飯喎, 嘩, 如果我有o的咁o既親戚就好啦, 不過算啦, 呢o的野, 整定o既, 有就有, 無就無架啦, 邊度恨得咁多丫~~
食完飯, 去o左睇呀恆打機, 玩OutRun耶~~ 但係玩玩下墨丸佢打黎, 頂佢丫, 要我單手楂車=.=, 而且臨尾仲撞到九彩~~ 但係頂佢囉, 部機壞Break架, 係唔係都同我整個Break出黎, 頂佢啦, 都唔知有無攪錯="=凸
返工, 今日無遲到, 係唔係都打醒十二分精神, 唔好嚮臨尾o個站度訓著, 唔係就屎火架啦~~
今感覺到有o的忙耶, 好多人book機, 又有人打電話俾我, 唉......
呀Joe今日黎o左, 佢話世貿o個日早o的返工喎, 好丫, 無問題~~ 呀！！！唔記得同佢講話有位o既話俾我返香港仔呀...... email下佢先~~