四分三月記......

星期二, 今日都係要返學, 食飯, 放學, 咁就簡單咁過o左一日......
星期三, 今日返學o既時候, 有新同學喎, 原來佢係讀CPEG架, 不過遲黎Reg, 讀唔到CPEG本身o個個summer cource, 咁就讀o左我地o個個, 係City AD過黎架~~
放學o個時, 有個人黎撩我地賣quota喎, 佢出價400, 我一開口就話500, 但係最後就放o左420囉, 都係蝕o左, 不過算, 當係少o左Bonus囉......
部NDSL有望啦~~
夜晚要去消防局度開會, 但係已經唔記得o左做過o的乜......
星期四, 今日嚮呀Xav部NDSL隻Mario爆o左機啦, 開心~~ 但係仲有好多版未過, 遲o的慢慢玩先~~ 食飯o個時講開呢, 原來新同學係有o的好慘o既經歷架喎, 真係陰功~~
星期五, 返學, 食飯, 放學咁掛...... (已經唔記得啦......)
星期六/日, 返工, 放工咁掛......
星期一, 今日係Department個Orientation, 返去都係聽下野, 玩下咁, 仲有餐食添, 爽~~ 原來去Exchange唔係考tofol架喎, 咁咪好爽, 但係呢...... 都係無希望架啦, 腳踏實地咁讀把啦, 唉~~
星期二, 今日都係要上堂, 但係就係下晝先要上個program, 不過上晝就去o左報o個個fitness, 攪到無野做~~ 下晝先上堂, 不過原來係上翻我已經tran o左o既comp104, 無聊......
星期三, 緊係唔上啦, 無理由學o的已經學過o既野架嘛, 係咪? 嚮屋企無聊~~
星期四同五都係咁無聊~~
之後個星期六同日就緊係返工啦, 星期六, 向呀Lisa姐佢買o左部NDS機, 之後又同佢買o左部NDSL, 用SCL, 加埋都係1750, 快快手咁返屋企幫佢過埋o的Game, 爽死~~ 終於都有部NDS啦~~ 雖然唔係NDSL, 但係有部遊戲機都已經好開心架啦, 話哂呢部係我自己出錢買o既第一部機喎, 真係太好啦~~ 夜晚同班舊同學去o左Italian Tomato食野, 但係成八點半先有得食, 仲要只係食得個半鐘, 食得鬼死咁急, 唉...... o的意粉就ok得, 但係其他野就一般, o的蛋糕都唔差~~ o的野飲係任飲添喎, 唔算平, 但係都ok咁啦~~
頂...... 食到鬼死咁飽, 夜晚飽到訓唔著囉...... 嚮張床度典黎典去, 成三點先訓得著......
第二日星期日連飯都食唔落...... 一餐頂三餐......
之後星期一(28/8) 要返去上Library個orientation, 得個行字...... O嘴, 都唔知有無take attendance, 又話係require, 返去都無野做, 頂......
星期二, 緊係嚮屋企度Hai 啦~~
星期三, 學校有個orientation, 以為係兩點半, 點知原來係兩點, 遲到, 之後仲俾有線訪問, 陳易希丫嘛, 都見佢唔到, 但係返到屋企, 睇翻, 無我唔緊要, 但係原來個陳易希連一o的簡單o既英文都聽唔掂, 佢...... 點解可以去美國度做交流o既......
星期四, 同屋企人去o左day camp, 一個人入埸費只係九蚊咋喎(學生), 大人十七蚊, Lunch就十九蚊位喎~~ 都係平丫, 去o左曹公潭, 不過就只係玩ball game...... 唔緊要丫, 都幾好玩丫~~ 但係搭車就...... 有o的唔方便, 行錯路去搭巴士, 人地去東, 我地就走o左去西...... 仲要係廿分鐘先一班...... 好彩截到van仔o者, 唔係就真係等到天光......
星期五, 九月一號喎~~ 都未開學, 俾屋企人老點o左去做野, 之後去o左表弟度玩, 打機~~ NDS wifi~~ 咁就一日~~
星期六, 返工, 今日勁多人, 勁多野做, 班暑期工又走o左, 頂...... 做到勁?囉, 唉...... 呀樂佢呢幫我改翻部機有翻個Health o既畫面呀, 唔該哂呀~~ 放工, 去o左食野, 叫杯熱好立克飲o者, 點知俾人話我係細佬仔咩, 飲熱好立克咁囉, 我頂丫, 你吹呀, 唔飲得呀, 頂丫！！！！！
星期日, 都係返工, 家姐話我知巴巴拉佢張supercard真係假架喎, 佢地要拎去換喎, 唔知點呢~~ 唔理lu~~