三日記

黎個考試前o既一個三日記~~
星期日, 今日返工, 返到去, 都係打下日記咁, 仲有就係, print野, 用出面o個個printer, 容易手動雙面, 好過入面o個部~~ print哂全部past paper, 爽呀~~ 但係下晝就勁多人囉, 頂...... 之後去o左同家姐, 巴巴拉同峰佢去o左食Tea, 之前賣o左部抽翻黎o既遊戲機俾Lisa, 而家就有錢食Tea, 咁就即係無賺到錢...... 夜晚, 仲唔溫書咩, 聽日溫驗呀, 但係發覺溫極都係唔識咁囉, 唉......
星期一, 晨咁早就返去, 唉...... 測驗呀...... 勁多MC, MC o岩哂就合格, 不過我應該有o的錯囉, 唉...... 而且又唔記得AH 同DSP o既分別, 唉...... 之後就印埋個report user manual, 彩print果然係唔同o的, 靚o的同勁o的~~ 再去204度印埋o的pastpaper, 整理埋o的report同燒碟, 學校o的吉碟勁貴, $4隻, 頂...... 上Lib燒碟o既時候, 佢走黎同我最後Lead in Lead out 走黎死囉, 頂佢, 但係嚮其他機都開到喎, 唔理lu, 照交俾佢算, 本來係諗住交俾呀Ken, 點知佢同KT都唔嚮度, 但係又見到呀MY喎, 咁就叫佢交俾呀Ken啦~~ 佢仲問我地囉個Doc黎睇 =.=" 嚮隻碟度, 自己睇......
之後就去o左食野啦, 成三點先食野, 又係小籠包同??麵~~ 仲諗住可以抽埋隻軍曹o既電話繩, 點知...... 無o左...... 不過就俾我用兩蚊抽o左個迷你飛行棋~~
返到去, 打機, 過到C1 out廿八人斬, 但係就過唔到箱根囉, 唉......
夜晚, 溫書...... 都係睇唔哂MPLS, 勁眼訓, 聽日先再睇......
星期二, 今日唔駛返學, 溫書, 溫埋個MPLS先, 再黎就係Simon Sir, 都夠死啦......
下晝, 班長打電話黎話佢地今日返o左去, 俾癲佬佢話班長佢唔做野, 個FYP Fail 架啦, 呀班長佢話癲佬佢講得勁認真咁囉, 但係我話佢吹啦, 癲佬佢點會咁戇居搵野黎攪丫, 班長佢功灰喎, 可以點幫佢呢, 有事起上黎呢, 想整大佢o既話咪背o左你個FYP所做過o既野, 話俾人地知你係有做過野咁囉, 唔係點呀, 癲佬佢擺明玩你啦~~