有o的飲o左一滴福來福喜咁

今日, 又要返工......
尋晚睇到racegame o個度有人話香港仔珍寶有灣岸左?車楂, 仲唔去試下, 但係今日一去到...... 四部機都無開, 貼o左張紙話經常Hang機, 頂, 無奈, 一埸歡喜一埸空, 但係睇真o的, 成四蚊局, 有o的貴......
無機打, 去o左行商埸, 去睇下冒險樂園開o左未, 估佢就應該會趁聖誕之前開, 賺多幾日錢喎~~ 上到去真係開o左, 嘩, 原來裡面真係勁大架, 不過就唔係算好多人喎, 可能仲係比較早掛~~ 落一層, 部軍曹扭蛋機仲嚮度, 見表弟佢o個日話佢有同學有, 咪整隻俾佢囉, 但係成十蚊....... 算, 哦, 又扭翻隻giroro喎, 但係個樣好邪惡......
返到去, 今日都唔係好多人~~ 有個細路同個呀爸黎借書, 個細路貼住張退熱貼嚮個額頭度, 咁女同事(同我一樣咁大o既), 幫佢借, 咁個呀爸同個仔講：「應該講咩呀？」仔：「唔該......姨......」個呀爸即刻話：「係姐姐」仔：「唔該姐姐」爸：「你病到懵o左呀」我即刻笑到丫~~
返工時間又嚮度睇哈利波特, 睇多o左一個Chapter~~ 請o左假, 聽日先打去問佢收唔收到~~
放工, 去o左金星, 見有兩個N Class喎, 挑, 你話我呃星都係挑, 玩箱根喎, 理數咁少, 有o的蝕~ 之後條友覆卓, 用架B2 815黎挑我, 玩新環左, 我比較熟~~ 一路都係佢lead我, 但係呢, 嘻嘻, 最尾隻灣俾我撞一撞, patpat high一high, 過o左, 攪掂~~又多一粒, 之後又覆卓, 今次閂後車喎, 閂咪閂囉, 我都想走, 我o的灣過得勁唔掂, 最後無心情, 最後隻灣都未追到, 算lu, 睇一睇, 原來佢過百星架啦喎, 哈, 走lu, 三蚊三局, 雖然得兩粒星, 但係理數就唔少, 抵~~
夜晚, 約埋佢地聽日返去做NT/Wireless Assignment, 墨丸佢原來唔係好得喎, 但係我驚做唔哂囉, 睇都睇唔明, 都係聽日好o的~~
p.s. 福來福喜-史拉轟教授送給哈利的一種神奇幸運水，後來為哈利帶來很大的好運。