平安夜

今日係平安夜, 唉, 又要返工, 返北角, 有時o的野, 希望越大失望越大, 有o的野, 你愈覺得佢係會就偏偏唔會, 但你越係覺得唔會發生就越會發生, 首先係老細請飲野, 之後呀姐佢打黎話有蛋糕食, 不過放工去到, 見佢著得好靚, 都知係乜事, 唉...... (舊蛋糕唔錯, 幾好食, 好食過上次o個o的) 返到去, 打機, 有條友同我一樣係得800HP, 挑兩個815, 我Join咪Join, 用大淩, 唔駛包尾, 有兩粒星, 但係兩局之後條友退出喎, 最後我唔包尾都唔得啦, 唉~~
食完飯, 同屋企人去o左睇幻彩詠香江, 話時話, 真係幾好睇, 夠哂大型, 差唔多成個尖沙咀海旁o的大廈都有參加~~ 之後見到表弟佢地喎, 佢返遊戲展Promoter.
之後去o左中環皇后像廣場, 但係勁多人, 無野好睇o既都, 得個迫字, 唉~~
夜晚, 都無乜點做過野, 唉, 又一個lonely christmas, 個心, 始終都係掛住人, 不過又點丫, 唉...... 幾時先可以嚮汒汒人海之中找到一個她呢......