都係無溫到書

今日返八點半, 唉, 又要晨咁早起身, 班長又晨咁早打俾我, 叫我帶相機喎, 今日天氣唔係太好, 唔帶(車, 最後佢咪又係唔去, 好在無帶咋)
世貿第二日, 地鐵多o左人, 準時返到去, 上一堂唔想上o既堂...... 勁多notes要執, 頂......
之後堂Tutorial, 派上次份Test, 勁多人丁到, 亦都有勁多人高分過我, 隔離班仲有人Full Mark...... 背書始終都唔係我o個皮......
之後去o左食車仔飯, 見到呀John...... 好無奈咁對住佢......
食完飯就去做埋聽日個Presentation個Report, 跟手就係NT個Lab, 做NAT, 部Router要reload勁多次, 最後全部人都做唔切之後個DHCP, 下次做喎, 但係我地就因為已經做哂之後DT個Lab, 所以就 繼續做個NT Lab, 攪掂~~
放學, 有o的肚餓, 去o左食三寶, 返到黎, 去o左打機, 但係就過極都S唔到新環右Lv7, 剩翻卅機秒都只係得A, Lv8就直情過唔到, 算啦, 呢個Week唔係打機Week, 相信呢個Week都唔會再打架啦, 因為無錢~~
夜晚, 執好個AP Assignment, 整o左個Demo, 又係無溫書, 唔得架, 唔溫書會死架...... 要溫書呀！！！但係都係無mood溫......