五日記~~

好耐無打啦, 一次過~
星期五, 晨咁早返去上PQM個make up Lecture, 準時返到去, 但係就只係得幾個人, 直到點名o既時候都係得唔過十五個人, 哈哈~~ CCCleung你仲唔屎~
之後堂DT, 都係訓下覺, 溫下書咁過, 乜o的DT咁難o既?!
食完飯, 未上AP之前見到呀Ken, 佢就話我地個FYP好似無乜點見過我地, 叫我地星期一pre-Demo一次, 唔係下化......之後堂AP就聽下書咁囉, 最後就係咁諗星期五個Party o的野, 最後都係收o左$$先, 每人廿蚊, 相信星期一都要俾多o的......
返到去, 無錢打機啦, 夜晚就溫下書咁囉~
星期六, 晨咁早返黃泥涌, 做唔到真係幾爽~~ 仲知道原來有個同事佢個仔讀緊精算, 點解o的人可以咁勁, 佢地係痴線架.
今日世貿又有大遊行, 搭車o個時問個司機有無封路, 佢話入黎o個時無, 但係好無奈咁去到天樂里o個時睇住有班韓國佬衝出黎, 咁就即刻封o左路, 唔係下化, 乜咁o岩架...... 好無奈咁落車, 最後, 行到杜老誌道, 見到有好多警察帶哂豬嘴, 影o左幾張相, 之後見到另一班韓國佬又衝到黎, 唔係下化...... 驚驚, 閃人~ 返到去, 打俾呀輝, 佢o岩o岩好搭到車, 因為之後又封紅隧, 又封香港仔隧道咁, 攪到勁大獲, 驚緊聽日返唔返到工......
夜晚, 呀輝佢就真係就咁張個report變成ppt, 乜真係咁懶架...... 無心機改, 都係溫書先.
警察最後放催淚彈, 早就應該放啦, 班友都傻o既, 將o的鐵欄扎埋撞去o的警察度, 都痴孖筋o既.
星期日, 朝早聽收機, 班韓國佬終於都俾人圍, 但係條告士打道就仲係封o左, 巴士就正常, 都係唔好啦, 早少少出門好過(但係最後都係無早到), 落到去, 見到有架70行過o既?! 如果早o的就搭到架啦, 但係遲o左步, 算, 搭返37B
返到去, 原來有個同事尋日都係嚮天樂里o個度被迫落車, 唔係行去銅鑼灣度搭地鐵, 因為封o左, 而係要行到去天后度搭, 佢勁無奈, 放五點, 七點先返到屋企, OoO"
嚮公司無聊o既時候砌o既~~放工, 條行度冷清, 又封哂路, 唉, 點解個灣仔會變到咁o既?? 路經一間地產俾木板圍, 但係就有張紙寫話照常架bor, 有o的好笑...... 最後去o左Game&Fun度玩全走, 撞到九彩, 但係竟然快o左喎, 乜咁o既?! Game & Fun平o左呀, 廿蚊局, MarioKart都只係四蚊~
夜晚, 用3 line傾o左成個鐘電話, 講FYP同Party o的野, 最後無電, 而書就無乜點溫過, 聽日要pre-Demo呀...... 表弟話佢Java唔識做, 叫我幫下佢, 我一睇, Assignment黎架bor, 我唔係唔想幫, 但係下個禮拜有兩個presentation同一個test, 仲要星期交, 點教你啦, 幫你做好過啦, 但係就要收錢囉, 大佬, 我唔做自己野幫你喎, 最後成兩點先訓, 只係整好o左個Display出黎, 其他Function就未得, 佢話ok喎~~
星期一, 上完Wireless之後就去o左準備o的pre-present, 基本上都係無乜點做過野, 簡單Demo, 都無乜問題, 之後去o左食車仔飯, 唔知點解呢排係咁食車仔飯, 又唔係特別平喎, 但係始終都好似好食過Canteen咁...... 之後堂Dt Tutorial又係掛住打機同講party o的野, 最後每人收35, 火雞+兩盤野食, William話佢會再整喎~~
跟住堂AP又係訓著o左, 一醒就搭九, 咩話, 搭九?!未放?? 係, 之後monde仲要吹多兩嘴...... 成七點先返到去, 都無錢打機啦, 算~
夜晚, 攪埋個Java俾表弟, Finished, 但係就唔係very good, 至少我覺得係, 佢收貨就得, 都唔好意思收多佢, 一舊算, Standard 係兩舊, 唔理啦, 溫書同聽日個Presentation呀, 無乜點好好準備......
星期二, 今日係FYP個Presentation, 晨咁早就返o左去, 但係因為尋日真係無乜點好好prepare, 講得勁差囉, 唉...... 好在KT佢都無乜點插我地, 但係之後Billy就係咁話我地好喎, 下唔係下, 咁都叫好, 咁如果乜都做到咪叫勁?? 唔理lu, 溫o左陣書就去食野, 維園, 之後本來想睇下有無MarioKart玩, 但係無兩部咁多, 算, 走
返到黎, 同表弟嚮Game&Fun交收o左之後就打o左陣機, 十人斬又只係過多一條S, 全走又係咁撞, 算, 返屋企溫書, 打下機咁, 成個下晝同夜晚都係咁過~~