NT/Wireless Assignment

今日晨咁早就返o左學校, 做NT/Wireless耶, 頂......
返到去, 無人, 得我同呀輝, 仲有呀Rick~ 之後就越黎越多人返~~
唉, 個NT, 攪o左好耐, 都係發覺個bgp唔係好得, 唔理, 攪埋其他先, 之後個bgp又出翻黎喎, 唔係下, 乜咁架...... 好多野好似好易, 但係就實際做起上黎就一o的都唔易, 頂...... dhcp拎到ip就係出唔到去囉, 個redistribution就一個得一個唔得, 頂, 攪到成兩點幾, 本來諗住出葵芳食, 但係...... 放棄, 去美景, 以為有平下午茶啦, 點知......"東主回鄉探親, 4/1先開" 唔係下化, 去食車仔飯, 但係無飯, 賣哂, 咩話...... 食o左個炒麵加碗仔翅, 呀姐佢同墨丸原來諗住叫牛肉食, 但係未蒸好, 去o左seven度買, 但係...... 係"叮"o既...... 無奈~
返翻去, 再做, 都係唔係好得, 唉, 都唔知點算, 聽日又要返工, 星期五又唔得閒, 唉...... 呀姐佢個wireless就好o的o的, 起碼有o的野睇~~ 灰~~
夠鐘, 俾人趕走, 唉......
臨走o個時打o左返香港仔, 睇下個同事有無幫本哈利波特做renew, 攪掂哂~~
返到去, 唔想挑人機, 有o的怕輸, 自己玩, 但係又覺得會過唔到十人斬Lv8過, 最後用架Hiace, 過多o左兩話, 條箱根一次就過到啦, 但係都係撞到九彩......
本哈利波特終於都睇哂, 但係個結局唔係太好, 唉, 唔知要過多幾耐先有得睇最後o個本囉, 唉...... 無奈......
p.s. 今日就好似食完福來褔喜之後感覺到運氣o既消失......