除夕

今日係除夕, 無工返, 無錢搵(←要返工你又話要返工, 無工返你又話無, 想點呀=.=)
訓到成十一點, 食完飯就去o左街, 睇下有無軍曹賣, 太源街行哂都無我要o個隻o既...... 呀恆佢post上forum o個隻公仔, 原來係有o的扁架...... 我見有隻係太約一米高, 百幾蚊~~
之後去o左打機, 又玩十人斬Lv10, 玩o左幾舖都過唔到, 有條B2o既人見到我玩Lv10, 佢又玩喎, 想嚮我面前話自己有幾勁掛, 點知...... 哈, 佢咪又係過唔到, 車, 有一次, 我比佢遲少少開始, 但係當佢玩到3Racer o既時候我已經快過佢, 車, 屎, 有次佢仲頂癮, 8Racer就已經Fail o左, 而我就係唔係都去到10Racer o的灣係咁high到牆, 攪到成六十秒都係過唔到, 唉......
之後返o左屋企好無聊, 表弟佢話出黎去行298喎, 好丫, 點知原來佢老豆都出黎, 去到298, 佢就買o左隻老翻, 乜MAC機係無得上網download 架咩?? 定係佢搵唔到咋?? 又係佢老豆俾錢...... 正一炸汁機黎架...... 嚮等拎o既時候, 同佢去o左打機, 唔係, 佢話係睇人打機喎, 乜佢老豆知o左佢去機舖架啦咩?? 佢咪又一樣打o左十蚊機~ 又係頭D, 之後玩篤篤機, 做唔到我地兩個都可以過到成廿幾關~~ 之後見灣岸有人挑緊, 諗住落埸, 但係佢熄挑都熄唔切, (佢得C Class) 既然人地都唔想我挑, 我無理由咁狗架, 算~~
夜晚, 幫人睇下Java Assignment, 點知原來佢個movehead個for loop, 睇落係無錯, 但係就出唔到個result, 唔係下, 攪o左好耐, 原來係有一個;嚮個for loop之後, 頂丫, 俾個;玩死, 仆......
倒數, 數完都唔知, 咁就低低能能無無聊聊??鳩鳩咁過o左一年, 唉......