Re: 牽手

你做乜鬼野無啦啦post o的舊年十一月o既文出黎呀, 原因如下：
今日行街o既時候, 見到行我前面o既一對情侶, 我好肯定佢地唔係情侶就一定係夫妻.
原因係, 當佢地一齊行o既時候, o個位女仕本來係在男人的右邊, 而個男人就雙手插袋咁行, 我強調, 係"雙手"插袋, 之後女仕就用佢隻左手想伸入去男人的袋中, 可能我講得衰o的, 應該係想伸入去男人的手中, 即係想拖住個男人, 但係個男人好似若無其事咁繼續行, 雙手無郁過
之後個女人見無計可施, 轉而攻其左邊, 結果... 亦都係一樣, 個男人亦都係無反應. 最後, 個女人唯有向其手臂埋手, "撬"隻個男人隻左手~ 之後就繼續行街. 而我, 亦都因為唔同路o既關係, 而同佢地分道揚鑣了~
見到咁o既情景, 我就諗起xanga之前呢篇文章, 咁就順手post出黎, 而我, 就好想有人可以俾一雙手我拖.