一月廿六日至二月八日

兩個星期lu, 話咁快又過o左兩個星期
呢兩個星期都無mood打日記, 但係又有好多野想記低喎, 真矛盾...
所以就都係唔好寫咁詳細喇, 係咁意記低做過o的乜算了.
一月廿六日, 今日係年初一, 原本諗住專登開多一篇黎打日記架, 但係最後都係因為某種原因無打到(乜鬼野某種原因丫, 懶你就懶啦) 唔信你就算~
年初一, 晨咁早就返工, 呢日得我一個, 由朝頭早八點開工開到夜晚十一點~ 中間個lunch諗住出去食野, 點知度度都無開, 又唔想行咁遠喎, 最後都係被迫返公司canteen度食...
一月廿七日, 年初二, 由於尋晚勁夜先返到屋企o既關係, 今日成十二點先起身, 但係今年拜年好似都... 硬係覺得同舊年唔同o左咁囉, 無o左o個種... 唔知點講, 唔係氣氛, 而係好似個個人都唔同o左咁, 唉... 之後去o左飲茶, 點知就俾人屈o左呢餐, 唉... 你班PK, 唔貴唔食, 正一PK. 之後諗住行陣街, 點知個人都係頂唔順, 行o左陣就返屋企訓, 事關今晚又要返通宵, 要休息下先.
一月廿八日, 年初三, 是日赤口, 所以決定約周公鬧交.
一月廿九日, 年初四, 今日約o左o的同學去踩單車, 好玩~~ 踩o左去教院, 過癮~~
一月卅日, 年初五, 返o左去圖書館度拜年, 有西餅又有湯圓食呢~~
一月卅一日, 正常返工日.
二月一日, 初七人日, 返工, 夜晚去食飯~ 飲o左兩杯, 無問題~~
二月二至三日, 正常返工, 三日係通宵日.
二月四日, 由於之前o個日係通宵日, 所以今日係周日(周公的日子, 簡稱周日)
二月五日, 今日考牌日, 唉... 又肥o左, 個官, 唉... 考牌之後, 收到同事的msn, 話公司由於要節流, 每人每月兩日no pay leave~ 果然, 呢日真係好黑仔....
二月六日, 返工正式收到上司的confirm no pay leave, 不過佢都講得o岩, 放no pay leave已經係一個比較溫和o既手法黎節流方法, 雖則你係會少o左o的人工, 但係你有多兩日假放o者, 唔係一刀切黎減薪已經好好了~
二月七日, 今日返o左一返圖書館黎再拜多一次年~~ 之後去o左食Tea, 跟手就返工了~ 今晚要返通宵, 同埋要OT, 要早o的返去, 所以o的時間好似過得好慢咁...
二月八日, 今朝放工, 專登搭巴士, 事關今日馬拉松, 有機會搭巴去行青馬大橋下層了~~ 感覺新鮮~~ 之後返屋企訓~~ 訓o左幾個鐘之後要起身去消防團拜~~ 跟住就又要返工了~ 再一晚通宵~~

另外要恭喜晶晶佢搵到工了~~