雪糕火鍋

咁多位, 我仲未屎得, 而DeepV第二日都無打到我(遲o的先打你, 你走唔甩架啦~~), 主要原因係因為佢之前o個晚宿醉未醒~~
星期日
今日都唔知咩事, 有三個唔係duty o既CT返o左黎, 仲要係一個走o左, 另一個先返喎, 夾定架?
當DeepV表妹黎o個陣呢, 佢又再一次帶佢走喎, 唔通真係驚我地食o左佢? 當我地睇佢(佢表妹)個xanga (o的相)o個陣, 佢仲突然起火喎...... 驚...... 多謝哂佢表妹o個包麥提沙~~
夜晚, 同小敏, 嘉茵同埋呀城佢去食雪糕火鍋, 都唔好食o既...... 尤其是係個湯底, 即係o的朱古力呀, 叫o左個士多啤梨朱古力醬, 但係得個甜, 都唔香o既...... 最後當然係唔夠飽啦, 走o左去食麵, 叫o左個醬爆鯊魚丸米線, 點知呢, 都係唔好食架囉...... 乜...... 今日乜都唔好食架......
星期一
今日係返學做helper幫手裝機同clone機, 事實上今日剩係裝機, 因為o的機本身已經clone o左~~ 推住o的機嚮學校度周圍走, 我幾驚o的食蕉以為我嚮度做世界呀~~
星期二
今日都係返學幫手裝機同clone機. 其餘事情都無乜特別. 無野好講