開始無咁無聊

自星期一至四都係咁無聊之後, 星期五終於都無咁無聊啦~
星期五返o左學校度做fyp, 原本就係約十二點, 點知呢, 一個就記錯o左係一點, 另一個就遲到十二點先搭車, 最後一個呢, 呢個最好, 只搭車搭過龍, 都無之前o個兩個咁過份, 早知就等我訓多個鐘啦, 仲等我鬼咁晏眼都起身返去, 頂！！！
返到去, check下呢個Sem　o既分先, 嘩, Lang竟然有A喎, 我o的英文咁差都有A, 真係派grade呀~~ 另外個FYP都有唔錯o既進展, 開心~~ 但係原來有個report要下星期交, 死俾你睇......
星期六, 今日晨咁早就起身咁去見工, 但係所謂o既見工都唔係interview, 只係去做一個group discussion, 不過個個人都著哂suit去囉, 個discussion有兩條友嚮度講到面紅耳綠, 至於我, 都係distrube下佢地, 俾機會另一個女仔佢講下野咁, 最後佢仲多謝我喎, 好在o岩o岩學完meeting and negotiation o者, 果然勁有用, 等我都未至於嚮呢個discussion度咁失敗~~ 但係最後都係忽略o左另一個亦都係唯一一個PG o既candidate, 而佢就俾個intervieweer插, 問佢, what is your role in this discussion? you just copy the notes but didn't say anything. This will make you lost your chance. 佢最後就剩係識得say sorry, 估唔到PG都係咁.
之後估唔到仲趕得切返屋企換件衫喎, 仲可以食個飯(嚴格黎講係麵)添, 之後仲要去消防局度拎張Cert, 但係呢...... 本來我諗住一陣好快咁就走得, 點知, 原來佢係要介紹新人, 攪到遲o左走, 唉...... 仲要無車, 最後見到兩架37B都唔搭, 諗住搭Van仔快o的啦, 點知, 架van仔慢過架37B囉, 頂, Van 仔, 我信錯o左你！！！ 結果遲o左三個字先返工, 唔該哂DeepV佢幫我頂多陣, 原本佢係諗住同Mia食飯架, 點知俾我攪到佢同唔到mia食, 應該唔會因為咁就令到佢唔可以同mia一齊架啦可? DeepV, 你咪已經有芭X拉架囉(基於要保障當事人, 我決定唔出佢全名. 你玩野下, 唔出都知道佢係邊個啦！！ 各位, 如果聽日見唔到我o既話呢, 我應該係俾DeepV佢打死o左架啦.....)