幾日記

呢幾日, 無mood打日記, 唔知點解, 做乜都好似無mood咁...... 好似無o左, o個種人生樂趣咁......
星期三, 上完堂, 食完飯, 去o左FYP Lab度睇監獄兔hea o左成粒鐘之後就去坐Barn, 話就話做功課, 但係其實原來已經係差唔多攪掂o左, 最後, 都係同茵茵一齊嚮部電腦前面睇下買咩結婚禮物送俾人好, 最後都係得出唔到結論......
星期四, 下晝去o左做FYP, 實際上都係無乜成果, 試到o的野, 但係解決唔到個問題, 都唔知點死好......
夜晚, 去o左幫Lisa姐買NDSL舊電, 原本問一間一粒1600mAH幾錢, 佢話$90, 當我報完價之後, 真係去買o個陣時問另一個人, 只係要$50, 咁都有o既......
夜晚, 睇翻套新聞透視, 奇哥佢上電視呀~~ 我計過, 佢真際出鏡時間係一分十五秒, 即係有佢個人嚮部電視度o既時間呀, 計埋片頭o既時間喎~~ 至於真係講緊奇哥o既時間呢, 即係歐生呀, 有一分卅六秒. 咁如果係用TVB o個個 《恭喜發財》賀年廣告套裝黎計四十次五秒廣告, 要七萬四, 即係每五秒廣告就要一千八百五十, 咁而家奇哥係一分卅六秒, 即係九十六秒啦, 咁咪即係要卅十五萬五千五百零廿十蚊囉, 嘩奇哥你都...... 慳翻唔少廣告費呀下~~ (咁有聊o架你, 咁o既數同埋鐘你都計)
星期五, 上完堂, 跳完Jazz(其實當係拉筋(定係痴筋呀)), 咁就同埋yoyoyo同呀樂去游水, 嘩正呀~~ 好耐無玩過水啦~~ o個種感覺真係好舒服~~ 雖然我唔叫識游水, 但係嚮水入面o個種感覺真係, 爽~~
星期六, 今日都唔知咩事, 有兩個義工黎o左圖書館, 佢地係呀城義工同frankie義工, 兩個都不約而同地跟住mia佢一齊上書喎, 又唔係幫手, 但係唔知點解硬係跟住佢喎, 大家估到估到係咩事啦~~ mia唔返o個個禮拜又唔見佢地出現喎~~
星期日, 今日我用o左好多時間黎整部NDSL呀, 整部NDSL? 你部NDSL壞o左咩? 但係...... 你唔係剩係得部NDS架咋咩, 何來NDSL呀? 我所講o既整呢, 真係自制個整, 我前日post o個部紙NDSL, 仲係咁俾DeepV講話我唔做野添~~ 咁部NDSL真係幾得意丫嘛~~