兩日記

話說尋日返學, 都無乜野, 只係三個鐘o既Lang堂, 有o的長咁o者~ 又要買書, 唉, 讀兩個禮拜之嘛, 咁就要買兩本書...... 唔係太化算...... 不過無計, 都係要買......
下晝, 報o左跳Jazz Funk Dance, 係Funk, 唔係Fxxk, 睇清楚呀下~~ 嘩我頂...... Miss好勁呀, o的筋鬆到呢, 佩服...... 而我呢, 拉到差o的抽筋, 咁攪法, 遲早痴孖筋...... 睇黎跳完之後我一係就o的筋會鬆散, 一係o的筋就會痴哂, 不過我覺得會係後者多...... 之後原本想做FYP, 點知...... 最後都係嚮個Lab 度訓o左, 都係帶個Box返屋企做算, 點知...... 返到屋企先發覺原來我係無USB keyboard架囉, 頂...... 白痴咁做o左苦力添...... (哈哈, 死白痴仔) =.=||
望一望張枱, 咦, 點解我問AV Counter借o個o的碟仲嚮度o既...... 頂...... 唔記得還...... 聽日早o的返去還o左佢先
到今日返學, 竟然一轉身, 望一望個鐘, 點解兩支針成直角o既, 咁咪即係遲o左, 即刻彈起身, 用o左十分鐘就出到門口, 幾勁呀(唔知醒都叫勁呀......) 最後, 用我o既極速返學, 又可以還埋碟, 又可以print埋notes, 都無遲到, 幾勁呀(遲o左三分鐘呀, Miss未點名咋, 死好彩)
下晝, 個FYP終於可以攪到個resolution, 好野~~

話說尋日我坐地鐵o個陣時, 見到有條友佢咳喎, 仲痰上頸喎, 咁佢就好好咁拎張紙巾出黎啦, 咁用完張紙巾之後, 佢就用手hold住舊雲吞, 但係hold o左舊野一陣之後, 就好順手咁就放手喎, 舊野就好自然咁就跟據牛頓發現o既地心吸力咁跌o左落地, 而佢又見到我見到佢放手喎, 咁佢就用隻腳踩住o個舊野, 當無事發生過咁囉, 如果我唔係早過佢落車, 我一定會話先生, 你跌o左野呀！
點解而家o的人可以咁無公德心架......

呢兩日, 茵茵佢都為o左張書枱o既事而頭痕, 硬係覺得佢係好似俾人呃緊咁喎, 各位同 "直銷中心" 買野o既時候, 都係要小心o的好~~ 尤其是係o個o的包送貨安裝o既野~~