2005年第一屆『港澳青少年網絡技能競賽』

今日唔駛上堂, 但係都係要晨咁早起身返學校, 因為要玩呢個甚麼甚麼比賽~~ 未起身, 已經打電話俾呀姐叫佢起身, 但係就...... 我出門口o個時佢打俾我話我知佢無帶鎖匙, 仲嚮呀恆度...... 呢個都無乜野, 但係當我問佢嚮邊度o個陣時, 佢竟然話俾我知佢只係o岩o岩出門口囉...... 但係呢...... 我已經行到地鐵站, 見到呀輝...... 咁我地就去o左機舖度打o左個轉~~ 用o左一蚊買馬, 頭幾舖就輸o左, 但係呢, 最後o個舖我就有隻心水, 不過無買, 因為呀姐佢已經打俾我話到o左, 點知, 真係我隻心水中o左囉~~
返到去, 都已經有唔少人到o左, 攪o左一大輪之後, 開始啦~~ 夾線啦~~ 夾得唔錯~~ 時間方面都幾理想, 但係呢......我就做Task 2, 點知佢話唔俾做Task 2, 即刻收手囉, config Router o個時, 有o的Command 打錯o左, 浪費o左o的時黎TurboShoot, 時間方面唔係太理想囉, 仲要係打漏o左個enable secret個password...... 無奈~~ 之後有野食喎, 緊係去抖下啦, 點知只係得翻幾件三文治...... 同有o的酸o既橙汁~~
休息o左一陣, 要做最後o個Part - ACL 睇完第一條題目, 好有信心咁計o左條Standard ACL出黎, Test o左一大輪ensure佢無問題, 但係呢...... 一睇第二條, 原來係要用Extended ACL黎做, 仲要係同睇一條黎一齊做添...... 無奈, 即刻再計過, 呀輝佢打, 我搵書~~ 最後緊係得啦, 不過時方面真係唔係太理想~~
Lunch啦, 原來Canteen $80一位同$20一位真係唔同o的o架~~ 食飽緊係想訓o架啦~~
但係聽人地講呢, Billy 佢地o個組做就做得好快, 但係就俾人扣o左成20分囉~~
之前睇o的時間, 我地唔係好快, 只係中下, 都無乜點諗過會贏~~
但係仲有個筆試...... 一路眼訓咁做~~ 本來以為自己做得好好, 點知個result出o左黎就只係話我地個筆試只係有33/45, 我都自己都唔係好信~~
但係到最後, 當佢講個result o個時, 佢叫我地, 我真係好開心~~ 無諗過我地可以有獎?, 隔離班係可以乜獎都無, Billy? 超~ 無料到~~
好多謝班長佢借個夾夾俾我地, 同其他同學o既支持~~ 如有遺漏, 在此感謝~~