無

上回講到星期二上晝有咩事發生, 至於下晝, 我地見吳子陽同事今日係Last Day, 咁就同佢影o左張相(單人相), 仲有用個A4 size黑白咁Print出黎, 講真, 真係十足十車頭相咁囉, 攪野~~
星期三, 今日要返學, o的野開始難架啦, 係時候要溫書, 但係朝早起身, 喉嚨痛囉, 早o左出門口返學校去睇獸醫, 都係感冒咁囉, 之後去補習, 條o靚妹佢都係唔記野架囉, 俾野佢都唔做, 曹希汶你想點o者, 你自己都唔讀書o既話, 無人可以幫到你架喎, 差唔多幫佢補o左成兩個鐘...... 幫到佢o既話同佢繼續補落去又點話丫, 但係...... 呢晚由於病同藥物影響o既關係, 十二點就訓o左, 第二朝訓到十二點都好眼訓咁爬起身.
星期四, 媽媽知我病, 朝早就煲o左粥俾我食, 但係...... 我係訓到十二點先起身, o個時已經係食飯時間, 無理到o的粥, 諗住留翻下晝夠鐘食孳先再食, 但係下晝, 媽媽見我o的粥未食, 佢見o的粥已經整好o左成幾粒鐘, 驚我食o左無益, 佢自己一個人嚮我唔覺唔覺o既時候食哂佢...... 無益你又食...... 媽媽對我真係太好, 都唔知可以點報答佢囉......
本來諗住今日可以溫下書, 但係成日都係咁病, 最後就睇o左套"大陽浩劫", 原本以為好好睇, 點知...... 睇完都唔知佢講乜囉...... 好彩o個時無俾錢入戲院睇o者~~
唔知點解呢排好多時都好想係咁嚮人全朵囉, 好似好過癮咁喎, 你咪講笑~~