無

我又嚮返工o既時間打我o既日記lu~~
尋日, 亦都係要去補習o架, 補習o的錢真係易搵, Hea下就個半鐘, 同佢吹下水, 發覺英文又唔記得幫佢溫Vocab, 而佢呀Sir放水俾佢都唔記得溫囉, 成Part無做...... 俾佢o個o的題目呢, 佢都唔係唔識做o既, 易o個o的咪識囉, 其他就...... 都唔夠時間, 我放低o左架啦, 同埋已經叫佢做架啦, 你估下佢有無做丫嗱, 遲o的我就會開估(我自己都未知), 個o靚妹呢, 佢叫我嚮佢呀媽面前美言幾句喎, 等佢可以有翻個電話, 哈, 咁就要睇佢表現啦, 你識做時我識做, 大家話我應唔應該幫佢丫嗱? 但係up to 呢一個moment 佢呀媽都係未打俾我o架~~ 小妹妹仲話佢份份卷都做o左史上最耐喎, 呢個都可能係佢o既少少進步黎o既, 但係...... 我都係唔係太睇好囉...... 佢又係咁追問我點解我會搵到佢個xanga喎, 又係咁問我用邊個account喎, 你都傻o既, 我就緊係用另一個account黎睇架啦, 我讀Comp. Eng.架喎~~
呀, 仲有呀, 小妹妹話俾我知呀, 佢考中史之前o個晚, 佢發覺自己好失敗咁連本中史書都無帶返屋企囉, 就算之前有幾唔想溫書都好, 都唔會失敗到唔記得帶本書返屋企架喎, 但係事實上, 連書都唔記得帶又真係有o的...... 失敗
夜晚唔知點解勁眼訓囉, 一返到屋企就勁眼訓喎, 沖完涼出黎都係咁喎, 都唔會醒一醒喎, 最後, 夜晚我係竟然未夠十二點就訓o左喎......
上一篇週記呢, 我就講老闆o的野o既, 但係其實仲有架喎, 話說有一次, 有兩個同事(一男一女)佢地嚮公司食完飯, 見仲有時間, 咁就落街買野飲啦, 老闆見到佢地兩個走喎, 老闆就問其他同事, 佢地兩個做乜呀, 咁o個位同事就好自然咁答佢話食飯啦, 但係老闆竟然講o左句"無o的實際", 我地咁多位同事到而家都唔明佢呢句說話點解囉, 如果有人明o既話, 可唔可以話俾我知點解??
呀, 仲有, ELEC210出o左notes, 望過兩眼, 深到想死...... 睇黎我呢個summer都唔好受

---

內容最後更改於 2007-06-16 20:47