影響一生的霉運

今日, 我係覺得今日o既霉運, 足以影響一生
今日返去Training, 準時九點, 人唔多, 都算, 個TA係Tim, 都無乜野
放Lunch, check到150出o左Grade, 點知, 唉...... I am the only one. 就連Denny都可以過關, 唉...... 極之唔開心, 我都係但求過關o者, 咁樣, 真係攪到三年畢業, 而而家屋企o既環境, 我真係好想快o的可以畢業, 出黎搵野做, 搬出黎住, 唉..... 有時, 一諗起因為一科而要讀夠三年, 點都覺得有o的對唔住呀媽, 好似拎佢o的錢黎浪費咁, 唉......
上完Training, 好啦, 見有時間, 做陣Gym之後就去幫人補習啦, 搭o個架出名少車o既104, 但係, 我頂囉, 站頭係有成十個人嚮度排緊隊架囉, 平時呢個鐘數見都無咁多人架, 點解而家先黎咁多, 今日仲要著短褲添囉, 跟本就係嚮度餵蚊, 小小小
好啦, 等o左平粒鐘, 等到有車啦, 臨到差唔多到o個時, 唔識路丫嘛, 咪問司機啦, 第一次佢都仲好地地咁點個頭, 仆佢個臭街, 問佢係唔係前面轉入去o個時, 佢話你咪嘈啦, 前面咪俾你落囉, 我小你呀, 算, 今日算我黑到天黑, 下次唔好再俾我見翻你, 你試下再咁樣講野丫, 你信唔信我鬧翻你, 我好記得佢個名架, 佢叫"亞仔", 個姓唔記, 不過唔緊要, 聽講104只係得四架車, 四分一機會, 唔難預到.
好o的o既係最後補習o個女仔都唔係太難教.
但係補完習之後返到屋企, 又有事發生, 屌, 仲煩唔夠咩
p.s. 尋日o既預言應驗了, 我真係有一刻想嚮蘑菇度跳落去, 但係諗到, 人生仲有好多野要做同未做, 我唔可以跳落去住, 咁做太不負責任......