週記

都有好多日無乜點打過blog lu, 原因有兩個, 一個就係唔想打字, 另一個就係無時間
自從同o個個女仔補習之後, 一知道要幫佢補埋英文呢, 就都唔知係好事定係壞事囉, 壞事, 我o的英文不嬲都唔係太好, 我都覺得自己係未可以去到教人o既階段囉, 反而數學就得喎, 今次仲唔係誤人子弟, 好事, 就係因為要教人, 攪到我要溫翻我o的basic gramma, 仲要係F2程度喎, 等我原本唔係太好o既gramma好翻o的, 等o個個女仔都可以識, 新鮮丫嘛~~ 教錯機會少好多~~

上星期o個個Training, 話就話Train四日, 事實上, 同之前o個o的Training一樣, 都係Hea到呢, 三日就攪掂...... 咦, 係時候要去做個Report啦喎......
本來話星期五約埋一班人去海灘游水, 好啦, Denny佢話佢Reg到科, 唔去得, 算, 打俾呀豬, 佢話, 咦, 咁星期四都得喎, 好, 咁就星期四啦, 但係...... 今次到呀豬, 佢要補習囉, 最後...... 嚮屋企Hea o左兩日......
星期五晚, o既然去唔成, 咁我咪去補習囉, 原本約o左佢六點三, 點知呢, 係佢遲到喎, 佢o個個著校服look呢...... no comment. 唔怪得知家姐佢話佢係成個男仔頭咁啦, 初時我都唔係好覺, 無理由架, 佢咪係一個身型同而家o的F2o靚妹無乜分別, 點知著住件校服仲似...... 呢o的唔係我o既comment黎架, ummmmmm 只係個人觀感(咁同comment有咩分別? 喂, 聽故唔好駁故呀下) 嚮呢個補習o既初期, 我只係見佢屋企有o的蜥蜴做寵物咁o者, 都唔係好多, 就眼望埋去都係得四五隻咁o者, 但係當我呢日望落o的o的, 估唔到仲有條蛇嚮度添囉...... 成個熱帶雨林咁o既?!
週末返工, 老闆又唔知做乜Ｑ, 成日嚮度嘈喎, 有個同事同我講, 話老闆話呢, 講佢o既時候呢, 唔好用全名喎, 俾佢o的Friend聽到, 佢好無面喎, 係都用代號喎, 我心諗, 你唔做衰野, 人地又點會講你丫~~ 我同事又同我講喎, o既然我有打開Blog o既話, 咁就不如寫哂佢o的衰野上去啦, 寫, 寫囉, 不過寫唔寫係人都知佢係咁衰架啦, 成日嚮度做o的無聊野, 成日叫人出去patrol, 又成日叫我地教人用電腦喎, 頂, 咪玩啦, 教得人用電腦就開班, 唔駛嚮度做卅蚊個鐘啦, 教得電腦, 至少都三舊水一個鐘啦, 佢都傻o既, 佢又無聊到係咁叫我地清潔囉, 次次見到佢地都係咁叫我抺枱, 仲話嚮張contract度寫話我地做埋清潔喎, 我心諗, 你無野下, 你搬開哂o的野, 裡面就緊係污穢架啦, 你都無聊到呢, 攞命呀, 如果唔係班同事好人, 有個咁o既老闆, 我一定唔會嚮度做囉~ 做第二間館~~
同事o者喱佢收到電話話City有offer俾佢lu, 佢有書讀啦, 開心啦, 又得翻我一個, 遲o的又唔知會係邊個partner, 眼見呢個已經係第三個partner有長工返(o者喱同事佢都係因為搵到暑期工而轉做Backup), 咁我幾時先可以唔駛做呢份工呢, 唉......
星期一, 晨咁早就要返去Training, 早o左o的o的返去, 點知, 個呀Sir真係準時九點先到囉, 得, 聽日我返九點半~~ 傍晚, 搭車去補習, 點知...... 我已經醒o左架啦, 去總站度搭, 幾準時呀, 一去到就有加車嚮度呀, o的人上緊車添, 但係...... 我頂, 一架車十六個坐位, 我就真係咁o岩o既第十七個囉, 攪到真係準時去到, 原來只係十五分鐘就到囉...... 都唔知好定唔好...... 當佢做緊野o既時候, 我又見到原來佢除o左有蛇同蜥蜴之外, 仲有蟋蟀同個頭(應該係條頸先o岩)好長o既蛇龜囉, 呢o的全部都係佢老豆養o既, 愈來愈似熱帶雨林......
星期二, 準時o既我準時九點半返到去, 我o既決定果然無錯, 我返到去, 佢都只係講緊尋日個Task o既答案囉...... 但係下晝就屎火囉, 佢成五點先黎俾野我地做, 仆佢個街, 最後係做到成七點先走囉, 頂...... 聽日仲要補習添架, 聽日都係咁遲咪真係死俾你睇?!
星期三, 當然我係九點半先返啦, 無錯, 都係講緊尋日o的野, 個上晝幾乖呀, 隻耳真係有聽過書架, o的野都係我做架(班人都係剩係嚮度抄......),隻手就嚮度做Report(上星期o個個) 畢竟我都係對Networking有興趣o的, 有心機做下呢o的野~~ 下晝, 為免尋日o既事發生, 我嚮佢講書o既時候已經做好o左個Task, 而佢一講完書, 我一叫佢埋黎, 佢就好似知我做好咁問我係唔係Demo, 當然, 我係有o的唔識做, 但係問兩問就攪掂o左~~ 好野, 唔駛遲走~~ 想做埋上個星期o個個Report, 點知...... 補習媽媽打黎, 話佢個女今日係早放, 咦, 係喎, 我都唔記得添, 咁就早o的去啦~~ 之前叫佢作文, 但係原來佢今日已經考o左作文, 仲俾條題目我睇添, 我一睇, 佢一講, 佢已經中伏了, 題目講話佢是但作兩個Point, 佢就走黎寫哂五個囉, 唉都唔知佢點啦...... 有時教書, 個學生有成績就好啦, 但係教著個咁o既話...... 都唔知怪自己定可以怪佢...... 照教佢英文, 都係o個句, 我自己都未到教人o既Lv, 可以點呢, 同佢溫下中史囉(另一個我都唔識o既科目) 但係我可以問到佢o的野出現喎, 睇佢熟o既程度, 要合格唔係太難, 但係....... 佢上學期都係最好中史, 不過都係...... 都唔知佢可以點......
星期四, 本來今日準時(準時九點半)返學, 但係俾人fake o左去陪食早餐, 去到o既時候, 佢又話可能做埋上晝就走得喎, 我頂, 咁即係無人聽野啦, 最後咪又係我返上去先, 但係上到去, 咪又係講緊書, 直至佢地食完早餐上黎都係未開始做野, 即係我又俾Denny fake啦, 一小時內俾佢fake o左兩野囉...... 不過佢一食完早餐返上黎之後就訓o左, 我地差唔多做哂本workbook o既時候佢醒啦, 佢就問, 點解你地做o左架, 你訓o左丫嘛...... 連自己訓o左都唔知, 無野好講...... 好野, 果然下晝唔駛上, 咁個下晝就要黎做埋個Report啦, 事關尋晚補完習返到屋企就已經累到呢, 本來想寫埋份Report, 但係, 最終都頂唔順, 訓o左...... 做埋個Report, 就要做翻o的F2 o既數學, 聽日要俾佢做, 咁我都要有個答案先得架~~ 咁都要做成半個鐘喎...... ~30條, 真係要一分鐘一題?!

後話:而家想去游水都游唔成啦, 唔係落雨就係紅潮(其實星期四同五o個兩日都係落雨, 基本上係唔關佢兩個事), 呀豬佢又要七月先得閒, 七月我都要mid-term啦, 無啦, 唔駛玩啦
後話二:我post o左呢篇野之後下面個懶學謠應該唔嚮度架啦, 唔會Load死你地部機啦, 咁就記住幫我禁廣告啦~~