日記多則

咁就打翻呢三日o既日記啦
星期日, 返工, print notes, 當我差唔多print哂o既時候, 咦, 好似學校都仲有成廿蚊未用喎, 咁點解我會嚮公司print o既? 下晝, 放工o既時候, 送吳子陽同事返鴨脷洲屋企, 途中去o左食碗"兩溝" 即係碗仔翅加魚肉是也, 送到佢上屋企(實情係為o左拎隻Biohazard 4). 搭車返屋企, 途中架車駛經海洋公園, 以前本來出面有o的空地, 即係舊水上樂園同埋餐廳出面, 而家已經有工程嚮度做緊, 相信遲o的起好o的野之後應該會仲好玩. 望過對面警察訓練學校, 望清楚o的, 真係好似電視做緊o個套學警出更咁有o的涼亭, 但係就比較舊o的o的...... 個操場就有人跑緊步, 望到有個身材幾豐滿o既女學警嚮度跑緊喎, 但係全部人都係好似玩緊緩步跑咁喎...... 夜晚就緊係試玩Biohazard 4啦, 但係...... 裝佢隻Game要我超過3GB 位囉, 而且佢個3D玩到我有o的頭暈囉...... 人老o左, 乜都係差o的......
星期一, 要返學, 上晝三個鐘Lecture, 下晝一個鐘Tutorial, 計落, 上一日等於上一個禮拜堂, 走一堂等於走足一個星期堂, 遲一個鐘就等於走o左一個星期堂...... 都幾襟計...... Take完braek之後, 晶晶同我講原來MY佢一直都坐我地後面, 望住呀Steam佢畫野添, 初時我都唔信, 但係望一望, 原來MY佢真係嚮度上緊堂架喎, 強勁o既MY, 食完飯撞到三姑, 原來俾MY教, 係有sub-grade保證架, 佢仲可以唔食飯係咁直落教書, 強勁o既MY...... 食完飯o既Tutorial, 當然係會眼訓架啦, 但係我唔可以俾自己訓架, 最後意志衝破一切, 我無訓到, 呢科唔可以肥, 唔通真係肥開有條癮咩, 黎緊個個Sem都係數, 我唔可以俾數玩死架！！！ 跟住就去補習, 準時地四點到達, 而個O靚妹就勁眼訓囉. 我連續上O左三個鐘Lecture都未話眼訓, 你同我講你眼訓, 最後差唔多同佢吹水吹o左成個鐘, 實際佢有心機聽o既就等翻半個鐘, 俾我點醒o左佢掛, 佢再留級就唔可以嚮同一間學校度讀架啦喎, 一定要轉校, 到時就得你自己一個, 無人陪你, 識唔到Friend, 見唔翻而家o的friend, 你自己諗下啦曹希汶小姐. 頂, 佢差唔多臨尾先同我講話要考埋上學期o個o的囉, 小姐你唔早嚮, 我要做埋份答案俾你架, 頂...... 夜晚, 本來想做埋份Report, 最後...... 掛住打NDS隻炸彈人大陸...... 最後都係無做過o既...... 屎火, 聽晚要一晚內做哂一個Report, 仲要做埋份答案俾人, 真係死俾你睇......
星期二, 今日係端午節, 上晝食o左隻鹼水糭做早餐, 跟住就返工, 原本覺得今日會同以往兩年一樣, 見到有o的細龍舟嚮o的大船側邊駛過, 但係今年覺得好似唔同o左, 見到o的龍舟剩係泊嚮o的船側邊, 硬係覺得同舊年唔同, 但係又唔知有o的咩唔同喎...... The world is changing.
今朝, 九點十一o個時, Lisa姐打過黎, 我o個時訓緊, 正當我拎起個電話o個時, 收o左線, 唔理lu, 照訓, 返到公司, 問佢咩事啦, 佢原來以為我返早, 但係就搭十一都未見人, 又未開門同開機, 所以就打俾我. 但係今日唔人係我返早架, 係吳子陽同事佢返早架, 吳子陽同事你又遲到啦, Last一日都係咁, 你唔可以咁架！！！
有機會o既話打埋有咩事發生.