唔見o左個仔

尋日返工, 返到去一出電梯, 見到有個女人嚮度係咁大喊大叫, 我聽到佢叫唔知咩個仔呀咁
入到去, 見到好多人嚮度望緊乜事, 又見到個男人話我地無用, 一個女人都唔幫佢, 咁多人, 要黎做乜架?
問返o的同事先知, 原來個女人係唔見o左個仔, 唔見o左個仔嚮度大吵大鬧都無用架喎, 我都知做人呀媽, 唔見o左個仔o既心情, 好驚係正常o既, 但係問題係, 唔見o左個仔, 要做o既係搵翻個仔, 而唔係嚮度大喊大叫, 你又唔講個仔叫咩名, 幾多歲, 著咩名衫, 大佬, 我點幫你呀, 冷靜係最緊要o既, 唔掛得有人話, 如果有個咁o既呀媽, 我做仔o既都唔出黎認佢啦
仲有, o個條男人, 佢都痴線o既, 我地o的人唔駛做野o既, 你想我地點幫你搵仔丫, 幫得佢搵仔就唔駛幫你啦, 你企嚮度等下好唔好, 做野慢少少都俾你地話, 你想點丫, 全部人幫佢搵仔o既時候, 你就可以話, 駛唔駛幫佢搵呀, 幫o左我先啦, 咁即係乜都你講哂啦, 簡單黎講, 不如你幫佢搵仔丫, 咁咪乜事都無囉
不過講真, 我都有少少同情o個個女人, 佢一定係受過一o的刺激先會咁緊張個仔, 我都係做人仔, 呀媽唔見仔o既心情, 都有少少感受到
之後開咪叫人搵都搵唔到, 但係最後個result就係, 個仔返o左屋企
其實都predict到, 一係就係去o左五樓度玩, 一係就係返o左屋企, 黎黎去去都係呢幾個可能性, 呢個時候, 嚮香港應該無拐子佬架啦, 你見新聞全部o的人都係自己走唔見o左o既, 最後先俾人拐走架咋嘛, EQ高少少會好辦事~~
冷靜真係好緊要~~