信仰

呢幾日心情勁差, 好多唔開心/唔滿意o既事發生o左
睇翻一o的(其實都唔係一o的, 只係一兩個)有信教o既人o既Xanga, 佢地都覺得信教係可以令人心境平靜, 有咩事就祈禱, 有開心事就感恩, 有o的乜都靠主, 上帝, 但係我到而家都覺得, 呢個好似係有o的逃避o既做法, 我唔係針對一o的教, 我只係將我o既想法講出黎, 分享下咁, 無論係西方o既基督教, 天主教同一o的中國傳統教, 佛教, 道教咁, 都係可以有咩事就求神問卜, 有開心事就感恩還神咁, 開心同唔開心o既事都只不過係一個人必定會經歷o既一o的野, 問題係你做人o既態度, 信西方教派o既人可能係因為受到教o既影響而凡事向著同o既方面諗, 呢個其實係一件好事, 起碼唔會因為有人唔開心而跳樓, 呢個教o既目的係話俾人嚮心靈上面有個寄託, 呢個我同意, 人o既心靈真係好脆弱, 唔單止係女人, 男人都係, 你見一蚊雞先生佢拎得一蚊o個時喊就知啦.
但係如果信仰只係俾人一個心靈上o既滿足, 咁我相信呢樣野真係唔係好o岩我. 因為除o左無時間之外, 我覺得既然人o既一生與其你覺得係由一個主黎主宰, 咁倒不如由我自己黎控制. 求神問卜, 我相信亦都係無補於事.
我有諗過信教, 但係都係覺得, 只不過會係讓自己個心定o的, 船到橋頭自然直咁o者
所以我到而家都係咁唔開心......