我的身世

我的身世
出生在一個好似好好o既家庭, 有個好媽媽, 本來有個小康爸爸, 但係佢跟本唔係一個好爸爸, 連佢係點o既樣我都唔知就分開o左, 攪到我而家可以講話係唔係生活於一個家, 但好在就係有個好媽媽, 供書教學, 教我做個好人(我而家都壞唔哂丫), 但係就只得一個窮家庭, 錢就一o的都唔多, 但都夠供我讀大學, 自從升o左上IVE之後, 日常食飯開支就靠星期六日o既part time job搵翻黎. 不過, 星期一至日都要返工返學都係一個好大題, 除o左唔多唔少都會影響學業之外, 就係我想搵一o的私人時間黎社交一下都無, 上次差o的追到o個個女仔就係因為咁而最後fail, 不過另一個原因(我亦都相信呢個係主要原因)就應該係因為佢鐘意佢本身o個個而多過我.
嚮IVE o個陣好似好多野都好順順利利咁, 但係實際上, 我覺得我係可以再去得盡o的, 我應該係可以有更好o既成績, 我嚮屋企人面前提起, 佢地就話我都入到大學啦, 條橋黎架咋嘛, 最緊要就係入到大學, 但係, 我覺得我o既然可以做好o的, 點解我做唔到架呢, 我呢個考第一都無用, 拎獎學金一o的都唔馨香, 你個仔考第一就講到而家.
上到大學, 到而家都仲有俾人話我返學係去玩架囉, 大佬呀, 返學真係讀書架, 我已經時日無多架啦, 我有好多野想做都係因為有呢o的制肘而無機會俾我去做, 到而家我都嚮個心裏面怨恨緊, 見識係由經驗慢慢累積出來的, 但係, 我自問經驗一o的都唔夠, 但係又無機會俾我去累積, 時代係會變架, 侷限嚮一個框框裏面只會變成井底之蛙, 我而家都有平隻腳踩o左入個井度架啦, 就黎跌落去架啦, 拼命地掙扎o左好耐, 就黎無氣架啦, 有無人可以救我呀......