黑色星期五

尋日, 四月十三日, 星期五, 一個典型o既黑色星期五
朝頭早返學, 本來佢係有呢個火警演習, 但係我返學o個時已經over, 本來以為好野, 無事, 咁啦, 但係, 一去barn, 諗住check個email, 發覺成個barn都係人, 想搵部機用一陣都唔得
之後就211 mid-term, 點知...... 唉, 鬼掩眼囉, 唉...... 好彩只係佔十個巴仙o者, 唔係就死得啦......
食飯o個時比較好o的, 無乜特別事......
之後o既210 Tutorial, 個TA攪錯個答案, 今次仲要係兩條咁多添...... 呢科...... 都係屎得......
跟住落o既150 Tutorial, 都係乜都唔識, 係時候開始惡補一下......
跟本好少少o既就係有個鐘break, 打機快活一下
再落o既311, 都係可以訓翻陣, 好野, 放學lu, 以為呢個黑色到此為止啦
點知......
返到屋企, 過哂o的mid-term啦, 緊係打翻陣機黎輕鬆下啦, 當我玩到同人地一team玩group o既時候, 屋企人返黎, 禁鐘叫我開門, 唉, 今暈真係攬抄...... 黑仔, 真係黑仔......