累~~

尋晚咁夜訓, 但係今朝九點就俾人叫起身, 陪我表弟佢賣?...... 賣到咁上下, 我都未食早餐, 同佢去o左食粥, 順便抖下咁, 但係佢o的精力真係充沛, 好鬼落力, 成個上晝由七點半賣到十一點半, 勁, 佢收到成五張廿蚊紙, 仲有一張五十蚊紙喎, 佢個錢袋真係好重, 應該有成四舊, 我咁大個仔都未試過拎咁多散紙出街...... 不過話是話, 香港人做善事都真係好熱心, 好多都五蚊五蚊咁俾, 諗翻起我自己只係一蚊五毫咁俾...... 無錢丫嘛, 我話o既, 我中o左六合彩頭三獎一定會?10%出黎做善事~~
下晝同屋企人去o左包玉剛泳池游水水, 但係唔知點解好累, 仲有o的頭痛, 本來已經唔識游水o既我想學都無mood學, 只係想玩...... 但係唔知點解o的水有o的鹹味?! 但係個禧水池o的野就幾好玩~~ 有機會o既話想同班同學黎下玩先~~
晨早就俾人整醒o左, 下晝又去o左玩, 今日, 總結一個字, 累~~
至於舊SmartCard, 前日聽o的師兄講, 有o的改o架bor, 咪試下囉, 點知, 原來佢只係support去到short integer, 頂多去到127, 頂, 唔怪得想俾多o的錢都唔得啦, 唉~~